今日同太陽哥哥睇四點半場既『十月圍城』，冇諗過係咁好睇，以為好悶，點知原來都幾緊張，仲好緊湊呢！不過都係阿凡達好睇ｄ，十月圍城排第二啦！
睇完戲就揀禮物諗住送比子元，睇過玩具，又睇過襪，最後係Chickeeduck睇中呢件fleeze衫仔！
想買紅色但冇晒子元size，唯有揀白色啦，仲包到成個盒咁，好靚呢！
之後就去左Alex & Karen屋企，參加一年一度既Christmas Party，呢個係保齡朋友們的習俗，聽佢地講原來今年己係第七年攪啦！嘩．．．真係耐，一個學位都讀到了！
派對開持，先聽主持人Karen講解先～～
因為多左幾位新朋友，先黎加深認識熱身下先！玩法：全部人圍成一圈，大家手持一條繩，繩上有個結；音樂開始時，全部人一齊將繩向左轉；音樂停時，拿著結的那個人要說出有關自己的兩件真事和一件假事，其他人估那一件是假事。
了解完就分組，先抽出３人為隊長，然後以『開口中』遊戲決定選隊員的次序。
分左三組後就正式比賽啦！先係乒乓相傳：每組各隊員要將乒乓球由A點傳去B點，中途有兩種運法，包括用兩條繩，一頭一尾手持著，將球由一方運向另一方，如中途跌下，需由頭開始！完成第一種運法後，另外兩名組員各自口含一隻羹，由一名組員用口"不"起，運到另一組員處，由另一組員用口承接，並放在碟上方為完成！
跟住玩輪住數：主持會定出一個題目，每組組員要順序說出答案，並在前加上順序數目及量詞，但無論答案、順序數目或量詞，都不能重覆；例如題目是生果，第一個說"一隻蕉"，下一個可說"兩個橙"，再下一個可說"三粒提子"，如此類推，那一組說不下去就輸。
先排隊分三組企，但呢班嘩鬼真係冇時停！
拍左幾段短片：
企住黎玩：每組獲發報紙一張，全組組員均要站於報紙上，派出一人負責猜包剪揼，猜輸那組要將報紙對摺，然後全部組員再站於報紙上，如此類推，直至有隊伍不能全部隊員站於報紙上。
未開始時我組幾開心～～
點知Addy連輸三局．．．報紙越摺越細塊．．．
明記唔信邪，話換佢猜．．．
果然頂到兩局，但開頭實在差太遠，再輸一鋪已摺無可摺．．．輸了！
另外兩組繼續鬥，四個女仔想盡辦法．．．
最後呢組輕鬆勝出，睇佢地張報紙幾大張．．．唉！
橙舞：全部隊員一同參與，每組獲發一個球，由第一人開始傳，以頸肩將球夾著傳給下一人，直至傳完為止，最快那隊為勝出。
三級大電視：講明係三級，當然係三級題目；每組派出兩位組員負責做提示，可做動作及出聲，但不能講答案中的字，限時3分鐘，其他組員負責估，估中最多的組別勝出。
啜死你 : 兩隊對賽，每次派出一人鬥啜乒乓球，啜到最多次那隊勝出。
沒有留言:
張貼留言