今日仍係凍冰冰既冬至，亦因為咁，我遲了起床，超趕咁上左車，買唔切早餐．．．尋日打過比Yammy託佢返工時幫我買ｄ熱食，點知今日冇早餐正沮喪之時，佢打比我，問我今日想唔想食熱辣辣既早餐呀？簡直救左我一命呀！
熱辣辣愛心早餐，仲係免費的，只因一句『做冬請您食早餐啦』！
到lunch過後，Yammy同Jimmy一齊黎到，送上了暖笠笠既 Toffee Nut Latte，Jimmy請我飲架！今日實在太開心啦，未到夜晚做節，已不停有人送上美食！
約了水電師傅放工後幫我整電掣，尋晚電磁爐已送左黎啦，今晚整埋個電掣，我地就有爐用啦！
今晚係屋企做節，咁凍既天氣，打邊爐正爆！一入屋就嘩一聲，兩張檯拍埋一齊，好似餐廳既長檯呀，一人坐一邊，勁呀！仲有兩個鍋喎，好專業呀！
今日有客人Monica，佢一向係我地上賓黎架，上次我結婚，佢仲係坐男家主家席架！
食物巡禮～～
兩個鍋係因為媽咪同威哥要戒食，所以一定要清；而媽咪就特別為我地泡製左新野 - 豆漿腐竹湯底！
影相時間～～
太陽哥哥又發作～～
我地希望每次有客人黎我地屋企，都即刻影張即影即有，然後叫客人們寫返日期同下公仔寫下野，跟住貼係牆，所以今日就試下．．．
點知ｄ菲林放得太耐，攪成咁．．．
唔係菲林壞左，呢幾張相應該幾得意呢！
有冇朋友有即影即有相機可惜比我呀？
沒有留言:
張貼留言