今日本應係萬世歡騰既平安夜，因為係聖誕既第一日假期麻；可惜由尋晚開始，我個胃好漲好唔舒服，成晚醒下訓下，仲要墊多個cushion墊高黎訓；到朝早七點幾，太陽哥哥起床準備返工，放假的我亦一齊起身，因為．．．肚痾！跟住就又痾下又訓下，本應約左諾諾飲茶都被迫要放棄，因為都唔敢離開家門半步，真係勁sad勁down勁無奈！
成日就係床同廁所渡過，本應今晚約左見凱玲BB，會去銅鑼灣食晚飯，食完仲可行街同買電話，節目好豐富呢！可惜計劃好要做的，到四五點已經發覺應該都去唔到了，當時已經冇痾，但勁攰勁無力，只係想攤係床．．．打比太陽哥哥叫佢照同佢地食飯啦，我唔去了，點知佢地因為就我，由銅鑼灣改去青衣城．．．湊住BB由柴灣黎青衣城，誠意十足，梗係去啦，何況送比凱玲BB的禮物太陽哥哥亦無帶係身呢！
去到青衣城，經過稻香聞到ｄ打邊爐味，我勁想反胃同嘔，總之濃味既食物味我聞到就唔舒服，最後我地揀左去靜ｄ貴價ｄ既粵翠軒，搵左位無耐，凱玲BB佢地就黎到啦，佢著左聖誕衫，好可愛呢！
戴左帽仲攪笑，可惜凱玲BB唔鐘意戴帽，一幫佢戴佢就用手仔扯走！
戴到頭髮都亂左添，哈哈！仲用牙簽扮大人撩牙，好得意呀！
呢ｄ就係"佢地"既食物喇，我就只係食瑤柱粥，仲只係食左三分一碗已經食唔落啦，呢幾啖粥仲係全日第一次食既野呢！跟住我就挨係度訓左喇．．．
係我訓著左既時候，原來拆左送比凱玲BB既禮物黎玩，玩得好開心我都唔知，完全聽唔到呢！好在太陽哥哥有影低相我睇咋，佢話凱玲BB拎住兩把玩具梳，每隻手一把，楂住一路照住鏡，雙手一路狂梳頭，好攪笑呀，睇唔到真可惜！
凱玲BB聖誕全身look：
訓醒後精神好返好多，不過青衣城shopping亦吸引唔到我，都係回家多些休息啦，今晚煲左『孤疑』，好驚好心寒呀！雖然呢套劇同城城的殺人犯曾互訴唔知邊套抄邊套，但兩套睇過後，我覺得只係片中既衰老症一樣啫，其他橋段同內容，一ｄ都唔同，反而城城的殺人犯豐富好多，好睇好多呢！
今年的平安夜就係咁好平靜地渡過喇！
沒有留言:
張貼留言