今日係同太陽哥哥拍拖40個月紀念日，其實結左婚後都冇特別要再記六號呢個日子，但每次總會不自覺記起．．．晏晝十二點半我仲未食野，打比太陽哥哥，睇下佢有冇機會入機場，咁就可路經屋企同我食野；但冇呀．．．不過佢就叫我過海，佢陪我食tea，順道去灣仔買門柄，因為灣仔個邊有岩我地屋企既門柄賣！原本我可即刻著衫出門口，但費事阻住太陽哥哥搵食既黃金時間，盡量係屋企hea耐ｄ先出門口，最後成三點先到灣仔！太陽哥哥就提早收工陪我喇，有架車就可以去買野同食野，方便ｄ麻！
先係灣仔買門柄，之後去坑口食野，去左『民聲冰室』：
我地都係第一次黎，見貼晒剪報應該唔錯！最出名係豬扒，就叫左黎試；我本想試軟殼蟹包，但落場關係冇晒．．．豬扒雖然油左ｄ，但真係幾好味
，同中大雲起軒出晒名既豬扒不相伯仲！
剪報堆中仲有幾幅明星合照～～
食完半個tea都夠鐘交更啦，途經交通意外現場，相信大家睇新聞都知，巴士車親婆婆不顧而去單新聞！
見血呀～～
見仲係肚餓，想食雙皮奶，但對面海又冇澳洲牛奶公司，就諗起遍佈港九新界既『義順』，太陽哥哥話灣仔有，我地係天后交更後就搭叮叮去灣仔食雙皮奶喇！
呢度既奶油多當然都要叫啦，可能賣相太吸引，一黎就即食，大家咬左啖先記得未影相！
係灣仔行左陣，就搭182隧巴去大圍，我地今晚有大家族聚會＠小肥牛！
味盤：
叫左好多野食呀，呢度只係一部份，因為蝦同牛都叫左好多碟！
小肥牛有好多款牛架，呢度只係其中兩款，安格斯牛同唔知咩牛，我地仲叫左牛柳粒，不過掛住食唔記得影相！
呢兩盤刺身係姑丈特別叫比我地食架，勁正呀！
我地十幾人，包左間房，一張檯三個爐，型呀！
影相時間：
飯後生果都有三碟：
今晚呢餐食左好耐呀，由六點半食到十點半，不停食不停食，勁！我地最後仲call的士返屋企添！雖然時間長，但都唔太覺，因為同大家族食飯都好開心，大家耐冇見所以會有好多野講，間唔中一次呢ｄ聚會，既可聯誼，又可見面傾下計，開心！
沒有留言:
張貼留言