今日係端午節假期，請了明天的假就連放四天了；雖然有個長假期，但早已編滿schedule！假期的第一天，約好了表姐係佢舊居第一城搬野，佢地間屋剛賣左，可以將雪櫃同梳化留比我同太陽哥哥！
我同太陽哥哥分工，我係屋企負責抹野執野抹野，預好空間等雪櫃同梳化送黎；而太陽哥哥就約好表姐夫係沙田等，負責運送同監工！
一心諗住成間屋亂到爆，我只係執個位同抹個位放雪櫃同梳化啫，點知一攪就成個露台同三分二客廳，仲有廚房，執好呢幾個位置都咪話易事，因為我地唔係搬野入間吉屋度，呢排執屋，主要係我要將自己係隔離屋既物品搬過黎，而媽咪就搬走呢間屋既物品過隔離屋，就好似交換禮物咁，所以成間屋都堆滿雜物！
我將雜物盡執，執唔到個ｄ就移埋客廳三分一位置，跟住抹地，連牆都抹埋，因為雪櫃同梳化一放好就抹唔到了！嘩，呢項係超勞動project，我好幾年都冇試過抹野抹到咁辛苦，流晒汗呀，攪左成兩三個鐘！媽咪過黎八怪我執成點，見我係露台雙腳跪係地度抹抹抹，仲係徙手喎，好似見到奇景咁話：嘩，呀女，愛情既魔力真係偉大呀！我將呢件事講返比太陽哥哥知，佢都好驚訝我肯徙手抹地，因為我好怕污糟架！
大約一點，雪櫃同梳化送到，跟住成個下午我地都繼續執野同抹野．．．太陽哥哥抹好晒個雪櫃後，我地仲貪新鮮，帶埋媽咪一齊落街，睇下有咩買完放係雪櫃度！哈哈～～
我地買左兩打汽水，ｄ木瓜牛乳係太陽哥哥ｄ手信黎架，貢獻埋係新屋，宜家都幾多野飲丫！朋友們：您地可以隨時上黎我屋企玩啦！打牌又得，玩最新款既大富翁啤牌亦得！不過冇咩野食，最好買ｄ黎啦！嘻嘻～～
呢個三門雪櫃其實真係好新淨呀，係表姐結婚時叔叔送架，所以除左多謝表姐同表姐夫外，我都有打電話多謝叔叔同嬸嬸！不過個雪櫃都有少少唔識用既地方，要等表姐年拎個說明書黎再研究一下！
尤其是個製冰糟，真係唔識用，加上見到咁大個caution，都唔敢亂攪呀！等學識埋點製冰，真係可以招呼朋友仔啦！summer is coming，岩晒啦～～
梳化都好新淨，仲好似表姐話齋，攤係度好舒服，我個晚已經試左攤係度睇電視啦！Winnie：真係多s晒您同kelvin喇～～
好啦，等我比大家睇下其他仲係好亂既地方先：間書房仲好亂呀，執極都執唔完．．．哈哈～～
書檯總算整整齊齊，我想話呢，上面有窗個兩行，全部都係相簿黎啦，開始後悔晒咁多相同買咁多相簿．．．
呢個衣櫃都好高呀呵？我一心以為可以裝得晒我同太陽哥哥ｄ衫，點知．．．淨係冬天衫已掛滿上行整格，係整格呀！另加再加兩格櫃桶！夏天衫我都未拎過黎呢．．．呢勻真係大鑊啦！
高過木門既鞋櫃都滿左八成，希望太陽哥哥ｄ鞋放得落啦．．．點都好，我總會用一矮格放麻雀同籌碼既！嘻嘻～～
兩年幾前學潛水時，太陽哥哥送我的掛畫，係時候show出黎啦！
另外間值得一提係我個codebar囝囝都返左黎新屋啦！
沒有留言:
張貼留言