今日下午要上大陸兩天食生日飯架，不過係等太陽哥哥收工前，我就爭取時間要去見下諾諾啦！
今日諾諾訓晏左，我地黎到佢仲訓緊，不過就醒，我又偷拍左佢醒的一面！諾諾仲好叻呀，剛起身一落床見到我，我叫佢叫我，佢諗左三秒就識叫：恩恩！真係抵我咁錫佢！
今日諾諾同表姐換上母子裝，勁襯呀！起身後要刷牙牙～～
威哥今日勁乖仔，知我一陣上大陸陪唔到媽咪返屋企，佢就好攰都跟埋黎，陪下媽咪咁～～不過佢連日來都腳痛，食完我食開既止痛藥仲好頭暈添，於是就係諾諾床邊訓覺休息下，我地就係出面玩！諾諾好攪笑，唔知威哥係度訓緊，入房拎野時見到有人訓左係地下，就企係門口唔知點算咁樣；不過佢好識性，我同佢講哥哥(佢叫威哥做"哥哥"架[提高八度音])訓左覺呀？我地要keep quiet呀，您比唔比bear bear同哥哥一齊訓呀？跟住佢就行去自己床邊，拎佢床上其中一隻bear bear (佢一共有兩隻架)，放係威哥側邊喇(下圖)：
跟住我將呢件咁sweet既事講比大家知，表姐呢刻先知，原來諾諾每日訓覺都要攬住既bear bear，乜可以比人架，哈哈！跟住我地問諾諾bear bear呢？諾諾好攪笑咁做出以下行為，最攪笑係．．．仆低個下！哈哈～～～～
不過諾諾真係好攪笑，跌倒個樣又冇咩事咁，同埋佢全程望住威哥，究竟係驚威哥丫？定係真係咁識性怕嘈醒威哥呢？
跟住我同諾諾玩畫畫，呢ｄ公仔全部都係我畫架！係咪好靚呢？哈哈～～
雖然畫得幾低Ｂ下，但諾諾全部知咩黎喎！佢睇到elephant仲勁開心咁走埋黎睇呢！仲有呀，好清楚聽到佢講"raff"(佢講giraffe做raff架)同"fish"架！證明唔係淨係太陽哥哥識畫畫啦，我都好有天份架，哈哈～～～
Give me a big hug．．．what a sweet moment！
媽咪今日一路教表姐織冷衫，一路自己又開左件bat-boy，話要織比諾諾，短短一個下午已經完成大半幅，勁！又係時候考下諾諾，不過今次諾諾好似唔太認真喎，仲講錯左ｄ呢，定係媽咪放係太平諾諾睇唔清楚呢？
諾諾係度做咩呀．．．好似一隻企鵝仔呀！
佢今日間唔中會放對手係身後面，然後咁樣行黎行去；表姐同表姐夫都係第一次見，好爆笑呀！
表姐一路講，諾諾跟住指令做，好可愛，又叻又得意！
原來呢ｄ字句係平時諾諾既學習dvd入面架，表姐跟住開左隻dvd，但只播聲音唔播畫面，睇下諾諾平時有冇認真學習先，點知．．．大家睇下啦！
諾諾已經同我好close啦，我叫佢give me a big hug，佢都有攬我呀；叫佢kiss me佢又會kiss我，不枉我成日撲黎見佢既成果，真開心！
沒有留言:
張貼留言