今日好黑仔呀，放工要返PT，一心趕返去賺多ｄ，其實每次都係趕／碌返去，點知今日又落雨，架旅遊巴仲係紅隧入面死左，位置大約接近隧道出口，差少少就到出口，真唔抵．．．我地死正係三線中間，算好彩咋，左右兩線仲可行車，唔係實大擠塞呀！
死左火後冇耐，幾個工作人員係反方跑入黎了解，大約廿分鐘(等好耐呀!!)，有架大黃車駛到我地前面，要拖走我地呀！與此同時，司機已打比公司call救車車我地！
工作人員係咁又上又落，都唔知做咩，架大黃車已停係度好一段時間，我當時個心一心諗住趕返工，心諗，仲唔拖走我地係度攪咩？
原來拖之前有好多野攪架，我見有工作人員走去車底，原來要整起ｄ車轆，淨係呢度都攪好耐，可能旅遊巴好多車轆啦；我係車入面隱約聽到ｄ放氣聲咁，架車又左郁一下右郁一下咁．．．跟住見到工作人員爬上大黃車度，開始用繩鈎住我地架旅遊巴．．．
最炆同激氣係，宜家已經係七點半啦，由死左開始，我地已經等左接近一個半鐘啦！
鈎完條繩後，又係等．．．
跟住有個工作人員，應該最大粒個個，上車坐左我地個司機叔叔個位，親自楂車，由中線駛埋去右線．．．
我地個司機叔叔就要屈就一陣，企埋一邊．．．
一路駛出隊道口，出隊道啦～～
跟住就泊左係度，我地就等緊接力架旅遊巴．．．
第一次泊係紅隊口專用區，威！哈哈～～
溝通中．．．
好彩宜家停左雨咋，唔係真係慘，真係好多工作人員協助呢次事件！
我地架救車差唔多到，就落車行前等候，平時一定冇呢ｄ機會企係紅隧口，威again！哈哈～～影相係必然了！
我的車友們．．．架紫色旅遊巴就係我地既救車啦！
好快咁剷入黎．．．
安全上車，已經係七點九，攪左接近兩小時，亦即係話，我PT收入少左百幾蚊呀，慘！！！
司機叔叔交帶一切比救車司機叔叔後我地就駛走啦，剩返司機叔叔留低處置架死左既旅遊巴！
沒有留言:
張貼留言