諾諾病左呀，今日放假一天跟表姐一家聚聚，順便探下諾諾；因為兩個禮拜冇見諾諾，我驚佢唔記得左恩恩呀！
我地先係青衣飲茶，諾諾都冇咩丫，都有同我玩，又記得我ｄ野，我比塊鏡佢，佢係咁問我拎返支潤唇膏，真係好記性喇！可惜我冇帶，表姐唯有用佢支唇膏頂住先！
我仲特登著左件giraffe衫比諾諾睇架，仲戴埋giraffe耳環，真係襯到成個大陸里咁，哈哈！不過冇計啦，為左要吸引諾諾attention麻！諾諾真係好有興趣，一時講 raff 跟住指我隻耳仔，一時又講 raff 指住我個身，引到佢，變左大陸里都值得啦！
我仲買左架麵包超人車車比諾諾架，但諾諾冇咩興趣玩，唔知係咪病左的關係啦！
跟住仲帶左幾隻迪迪尼公仔，呢個好似仲好玩；諾諾識晒佢地架，可惜我無mickey啦！呢幾隻都係我ｄ寶物黎架，細個儲起的，因為呢排係咁執屋，ｄ野浮晒出黎，勁多寶物呢！而呢ｄ寶物仲係冇out過，仲一直in到宜家，我同諾諾話晒係兩代丫，但仲用到喎，勁！
飲完茶後一齊去表姐屋企，見識到諾諾個thomas波波池，嘩．．．好大個啫！
聽聞波波池買左四百個波，但都好似唔多夠滿咁．．．．
諾諾細細個已坐擁四架名車，一排排咁排晒係度，睇下少爺仔今日咩心情想楂邊架車咁，好威喎！哈哈～～
可能病啦，諾諾係屋企牛牛地，又好炆憎呀，飲茶時都冇咩既；但係屋企就唔係咁同我地玩，只係黐住爸爸，攪到我今日有ｄupset添．．．
呀butt今日又整雞翼我食啦，我特別request要黑椒味！
特別一提係今日係飲茶期間，我發現諾諾一拎住紙巾就會抹佢周圍既野，其實上次係沙田美心飲茶時都見過一次架啦，今日就見諾諾抹ｄ迪迪尼公仔，又抹張檯，仲抹左好耐！我地就講笑同表姐講，呢個潔癖係姑媽既遺傳呀！哈哈～～
點知表姐講我地知，原來諾諾真係好鍾意抹野呀；前幾日表姐見諾諾咳，驚波波池ｄ波波易有菌，就用布抹ｄ波波，點知諾諾見到又想抹埋一份，要表姐比塊布佢一齊抹呀！等我copy表姐個movie比大家睇下先，有movie為證呢：
抹完波波，諾諾仲自己不自覺咁起身抹個波波池個頂同柱咁．．．呢個行為算唔覺係潔癖先兆呢？
沒有留言:
張貼留言