其實呢餐飯係上星期四同媽咪食架，不過今日先補返！
前排同朋友試左新都會新開的Ant One，覺得環境唔錯，就帶媽咪去試下；今日個位又係唔錯，Ｌ位咁，坐得close之餘傾計又舒服，good！
今次同媽咪食餐啦，兩個二人餐入面，我地揀左$188個個，因為另一個要揀"新鮮煮意"唔太岩我！
餐飲及小食：
呢個春卷咪同聯邦飲茶既春卷一樣囉，哈哈！
炸豬大腸幾好味，但兩個人食，似乎多得滯，食到好滯呢！
呢兩個主菜都唔錯，我真係好鐘意carbonara汁呀，加隻"波蛋"咁食都係第一次，將ｄ蛋黃汁撈埋一齊又幾好味喎！而個海蝦花枝火燘飯都好有地道特色，仲好足料；由於太多食唔晒，我仲拎走第二日帶飯添呢！
平時太陽哥哥食唔落蠔，媽咪雖然唔太鐘意食，但都會食得落，所以同媽咪食飯可叫蠔，佢點都幫我食一半既！
不過呢個蠔就麻麻，ｄ煙肉好硬，攪埋一齊食，味道唔太好．．．
最後加左客"冧酒提子杏仁脆糖芭菲"，個名好似幾靚咁，但質地唔太岩我，因為我本身都唔好cheese cake，其實知媽咪鐘意食冧酒提子雪糕先叫黎試下咋！
沒有留言:
張貼留言