呢張就係我地既新床啦：
其實安床過程都幾艱辛架，一共都整左三個鐘，新手上路麻．．．我見太陽哥哥成身汗，都幾陰功，不過又好開心喎，因為係佢親自落手落腳安我地張床喎，梗係開心啦，好變態呢～～
最特別係．．．媽咪都有幫手呀！
媽咪真係有落手落腳幫架，反之我就冇份．．．其實唔係我唔願幫，只係我睇唔明幅圖，無從入手，幾廿條木小不同既木板，同一條木板ｄ螺絲位都唔同，仲有一大袋唔同size的螺絲．．．真係越幫．．．反而媽咪醒我好多，可能佢有萬能媽咪既經驗，今日真係覺得自己好無用呀！
太陽哥哥ｄ汗開始滲出黎啦．．．
怕污糟既我，覺得床板有隙位，ｄ塵會係地面走上床褥，所以特登買多張膠布舖底，雖然未必有好大作用，但心理上感覺好好多，起碼擋得幾多就得幾多麻！
放床褥啦，嘩，好重．．．兩個人先抬得掂，有ｄ後悔買六吋，邊個提議架？
舖床單都好辛苦，因為床褥好厚，都屈唔到，四隻角真係好難舖！事後，太陽哥哥話，無咩事都唔好換床單啦，哈哈！不過今日係第一次同太陽哥哥一齊舖床單，值得留念！
大家睇下個枕頭套有冇咩異樣？冇呢！心水清既朋友，應該記得呢套係兩個單人枕頭套；因為我地買左雙人枕頭，又好鐘意呢個pattern，雖然冇雙人枕頭套都照買左，然後叫太陽媽媽改到佢地二合為一；我諗住實唔會駁到pattern一齊車架啦，點知．．．大家眼見啦，一ｄ痕跡都冇，十個掂＋十個勁呀！簡直想像唔到之前係兩個獨立既枕頭套呢！市面上好少靚既雙人枕頭套連床單，宜家可放心買兩個單人枕頭套都唔怕啦！
夜晚應琪琪邀請，去左荃灣食晚飯：
今日執屋都好攰，趕住出黎都冇時間執執個 look，有ｄ樣衰，請見諒！
沒有留言:
張貼留言