由於威哥隻腳好下又痛下，計埋都成兩個星期；呢兩日另一隻腳仲痛埋添，媽咪想佢入院 check 下咩事，我就負責送佢入院，今日一放工就即刻衝去浸會醫院呢！
去到六點半，點知淨係等分流都等左成粒鐘；book左時間入院都要等做分流啦，浪費時間，頂！七點半分流完後仲無聊，話病房未得住，要等多半個鐘，叫我地自己去食野先！
食完見醫生，跟住就入院啦；呢間係六人房，都冇咩人，但check in時又話其他房爆晒，呢間仲係貴房，因設施upgrade左，有兩個廁所同每個床位都有私人電視，六百五十蚊一日架，好在威哥都霸到個窗口位，哈哈～～
威哥聽朝要抽血同做checking，十一點後要禁飲食，即刻call琪琪快ｄ買野食黎先！
琪琪大約十點到，帶左串燒同糖水，仲有一幅大富翁啤牌！
探病者咁有心，病人梗係要同探病者影下相啦！
甜品時間，快ｄ食啦威哥，仲係度玩，就快到十一點啦！
我地一路食糖水，一路玩呢幅大富翁啤牌；我同威哥都係第一次玩，開頭覺得冇咩興趣，點知玩左第一舖就覺得好好玩，因為我抽到好多物業同錢呀，成為大贏家，梗係覺得好玩啦！哈哈～～遲ｄ行開教協，睇下有冇得平ｄ先！
第二舖威哥贏，教人玩的琪琪竟然冇贏到！
玩完兩舖都十一點啦，要閃啦，今日好攰呢！
沒有留言:
張貼留言