呢個月迷上了garderning mama，迷到試過weekend玩到凌晨五點幾先肯訓！
咁多nds game中，我一向鐘情mama系列，由玩cooking mama 2開始．．．雖然係打機，對自己要求都好嚴格架，當碟餸煮唔到一百分時，我會從玩從玩再從玩，直至煮到一百分為止架！最後成隻game玩完，所有餸都係一百分，好有滿足感呢，仲有好多獎座！
隔左年幾都冇玩其他game乜滯，都玩過下太鼓之達人既，但都係冇mama系列咁好玩；係前排坐緊巴士時，見有人玩緊nds，我仲認得係cooking mama個樣黎架，但係有淋花個ｄ水壺既？當時諗：咩黎架？我未玩過喎．．．唔通出左新game我唔知？返去即刻問威哥，佢一聽就知係園藝mama啦，仲已經出左好一段日子呢！我即刻叫佢幫我download，佢即晚幫我攪掂左！
總共有五個花園，先係上左(Fruit Orchard)、上右(Veggie Garden)同中間(Flower Garden)個三個，玩玩下先會出埋另外兩個花園(Special Garden & Rose Garden)！
我的Gardening MaMa個 look：
可以自己設計同配搭身上所有衣物／飾物既顏色同款式架，包括帽、眼鏡、耳環、頸鍊等等！
Flower Garden係種花既，一共有十六種花，打機都可以學英文架，因為我本身都識唔晒呢十六種花既名，唔識個ｄ上左雅虎查字典，等我寫晒出黎考下大家啦：
Dahlia 牡丹、Anemone 蓮花、Tulip 鬱金香、Morning glory 牽牛花、
Hyacinth 風信子、Cosmos 大波斯蘭、Daffodil 水仙、Daisy 雛菊、Lily 百合、Carnation 康乃馨、Pansy 三色紫羅蘭、Sun flower 太陽花、Freesia 小蒼蘭、Gladiolus 劍蘭、Buttercup 毛莨屬植物(係咪類似蒲公英呢??)、Sweet pea 香豌豆
Dahlia 牡丹：
Anemone 蓮花
Tulip 鬱金香：
Morning glory 牽牛花：
Hyacinth 風信子：
Cosmos 大波斯蘭：
Daffodil 水仙：
Daisy 雛菊：
Lily 百合：
Carnation 康乃馨：
Pansy 三色紫羅蘭：
Sun flower 太陽花：
Freesia 小蒼蘭：
Gladiolus 劍蘭：
Buttercup 毛莨屬植物：
Sweet pea 香豌豆：
Rose Garden有紅黃藍既玫瑰花：
Fruit Orchard係種提子、車厘子、奇異果、蘋果，全部有種到有一百分架！
Veggie Garden就種紅蘿蔔、士多啤梨、薯仔、蕃茄、粟米、南瓜，亦都係全部一百分！
Special Garden係咩黎呢？開頭我都唔知，花園入面咩都無，但慢慢玩就會知係咩黎架啦！因為每到收成時，間唔中會有ｄ特別形狀既品種種左出黎，跟住會出個寶盒，而呢樣品種就會成為種子／果實，係Special Garden度再種，好得意架！
好似以下名為彩虹鬱金香咁：
亦由於唔係次次收成都有特別野種出黎，咁先令我咁沉迷係咁種係咁種，等快ｄ見到Special Garden有咩新品種種囉！除左彩虹鬱金香，睇下仲有ｄ咩特別品種．．．
而以我所知，每部 nds 應該會出到九樣特別種子／果實，一樣一樣咁儲係一個大盒入面，仲可以同其他 nds 朋友交換添；不過我冇朋友有玩呢個game，所以未試交換會係點呢！
我就儲左呢幾樣喇：
普通品種都種到一百分先滿意，呢ｄ特別品種要種到一百分，當然難唔到我啦！收成時樣樣都好巨大好特別，畫面好得意呢！
呢個大南瓜係玩玩下突然出現架，跟住指示做，就會變左一個halloween大南瓜，可以用黎佈置花園呢！
有冇諗過，種咁多野其實為咩呢？就係．．．細屋換大屋囉！
個game一開始時，只得一間好細既屋仔，但當時冇影低，亦唔知間屋會越來越大，所以比唔返大家睇間細屋係點樣啦；其實一有收成就會有膁到錢，跟住間屋會變大左，然後繼續努力咁種，以換下一間大屋為目標，所以呢個game先咁好玩同咁有推動力去種麻！
粉紅色同黃色呢兩間屋係最後個兩間了，因為有左黃色屋後，我已經種晒所有野，全部都一百分，甚至種完再種，有ｄ已收成過兩次添；而個game亦冇show到下一間屋係點，應該冇得再換了，咁其實．．．係咪算打爆左機呢？
沒有留言:
張貼留言