班長其實上個月生日架，不過因為安民四月要考試，所以延遲至今個月先慶祝；班長咁好人，當然唔介意啦！
壽星仔決定食飯地點，班長話未試過風月堂，葵芳開左成十年原來我都未試過，當然贊成啦！
環境都幾舒適，坐卡位仲正，有cushion挨住呢！
我越來越鍾意食燒牛舌〔$45〕啦，每次睇餐牌一見到張相就想食！
壽星仔 VS 牛舌~~
呢個忌廉海鮮什菌意粉〔$80〕好多料，又係水準之作！
牛肉青芥末薄餅〔$62〕，食到呢碟都咁好味，風月堂原來咁好食架！
焗薯茸帶子蝦〔$55〕，我唔鍾意食薯仔，但係係我叫架，因為張相賣相實在好吸引，點知．．．又係好好味呀！
樣樣都咁好味，當然要叫甜品啦；唔知風月堂係咪好出名甜品架？甜品menu係零零舍舍一本架，仲唔薄呢！呢款係鮮果脆卷〔$48〕：
近期的朋友聚會，少不免都會被問及結婚的籌備情況，佔成餐飯的大部份話題！最感人係．．．班長同安民既schedule book一早已mark左我的 big day 日期，唔知幾多個朋友真係咁有心已經mark低左呢？真係好感動呀．．．
班長係我的預科同學，多年黎佢都好錫我，係唯一一個朋友會keep住寄生日咭比我架，心意就好似我每年都寫聖誕咭比朋友一樣，呢個行為我當然勁欣賞啦，哈哈！我今次都有親手寫左ｄ心聲比佢呢，希望佢收到我的心意啦～～
沒有留言:
張貼留言