今日請左假陪媽咪，近排我好積極咁用太陽哥哥的buffet club coupons，有ｄ仲送左比同事同朋友呢，誓要十一月前用晒去唔好晒！而有一張係帝苑酒店的lunch buffet，我咁多假，放假同媽咪去食兼撐檯腳就最好不過啦！
帝苑酒店我第一次黎咋，佢係正香格里拉斜對面，以前經過覺得佢外觀好舊，印象麻麻；點知今日黎到，一入到大堂就比我幾唔同的感覺，都幾grand，內外的確好大分別；去到食buffet個度仲令我跌晒眼鏡，呢度有晒花園水池鋼琴，流水聲襯托住雕像石柱，我覺得好舒服，仲好有羅馬feel呢！
趁少人時快ｄ影低呢度既環境先，呢度會按食物的款式而分開一檔檔，有專食潮州野的區域、撈沙律檔、粉麵檔、雪糕檔、壽司檔等等．．．
黎個食物close-up先，呢度都有長腳蟹食，但太細隻，味道麻麻，都係九龍酒店no.1！值得一提既係凍蟹，雖然唔係大大隻，但勝在膏同肉都好足料，再襯埋食蟹不可缺少的紅浙醋，真係好正！我同媽咪食左好多呀，尤其是好多膏的蟹蓋呢！
熱葷款式：
一ｄ都唔起眼的puff，一咬落去，入面原來係雪糕而唔係cream，令我相當有驚喜，好好味呀！
食buffet女士不能錯過的當然係甜品區域啦，lunch buffet黎講，都算幾多選擇架！
黎個近鏡引下大家先，我覺得個麵包布甸最特別，窩雲呢拿汁（好似芝士火煱）一路有熱水滾住架，咁樣熱住ｄ雲呢拿汁，我都係第一次見咋！
介紹完就睇下我地食左ｄ咩先，"返兜"個ｄ梗係好味啦，食左最多既係凍蟹同燒牛肉，食到我 lam lam脷！
我亦試左幾款芝士，我覺得中間的boursin勁正，好似蒜蓉芝士味咁，我食完再食呢！而後面的bire亦唔錯，我要認住呢兩個名，第時有機會再食先，因為有ｄ芝士食落真係好難啃，唔係款款岩我口味架！
呢款冰皮朱古力卷，我覺得個名好特別，而我又好鍾意食糯米滋喎，ｄ朱古力脆卜卜，有ｄ似美心脆脆蛋糕的口感，唔錯唔錯！
我唔想食香蕉班戟，廚師叔叔話溝雪糕都得架，佢仲好攪笑咁問我點解淨係影個班戟唔影埋佢喎！嘻嘻~~
雪糕班戟．．．熱中帶冰凍，一熱一凍，感覺幾得意，唔通．．．冰火五重天就係呢種感覺？哈哈！
為食的我，食完雪糕班戟，再食埋雪糕夾餅，因為呢度ｄ雪糕係Haagen-Dazs架！嘻嘻~~
食完buffet後同媽咪影相留念先！
之後去洗手間，入到去覺得好型，有埋gel比人gel頭？既然相機仲係手上，唔爭在影埋個靚靚廁所比大家睇啦！哈哈！
觀光電梯：
跟住shopping，好耐冇買衫了，今日終於忍唔住．．．先睇中紅色的大甲蟲，近年好鐘意著長身衫，有袖的更係最好不過，既然有折，點會放過！點知買兩件再有七折，揀左好耐．．．最終揀左菠蘿連身裙仔，不過呢條裙仔有兩大缺點，一係雞翼袖，二係上身略嫌透左ｄ！好在著上身都好有summer feel，襯埋白色converse，應該唔錯！有新衫著，yeah～～
沒有留言:
張貼留言