又有台灣木瓜牛乳啦，因為Elsa 媽咪上星期去台灣旅行，Elsa好好呀，我一聽到佢話媽咪去台灣，我未講下一句佢已經講我知，佢已經同佢媽咪講左，見到木瓜牛乳就會幫佢買比我啦！聽到勁窩心，有人咁上心記得我ｄ野喎，佢其實都知係比太陽哥哥飲既，所以話呢，咁愛屋及烏喎，我點會唔窩心呢？錫晒您！嘻嘻~~
因為今個星期part-time都撞唔到同Elsa同更，但牛乳只得幾日限期，Elsa真係超好呀，尋日特登拎去鰂魚涌太陽哥哥公司交比佢，由於太陽哥哥太忙，Elsa仲上埋佢公司門口，簡直係速遞親自送到！我都未有機會上過太陽哥哥公司，宜家Elsa已經去左，真係勁，哈哈！
最攪笑係我地夾埋冇同太陽哥哥講係咩黎，我只係同太陽哥哥講Elsa有野比我，但呢幾日都見Elsa唔到，麻煩佢同Elsa交一交收．．．佢都唔知咩事，到收到個下先知！係忙碌的工作中突然有份驚喜送上，佢冧到爆呀，即刻打比我多謝我，我就叫佢唔洗多謝我啦，多謝Elsa幫手啦！Elsa：太陽哥哥叫我多謝您呀，收到無？
太陽哥哥接我part-time放工，帶左一盒同我飲，睇太陽哥哥幾開心，就知Elsa心機真係冇白費呀！多謝您呀！！！
沒有留言:
張貼留言