已經落雨落左幾日啦，呢個星期真係令人討厭，今朝仲有黑雨添，太陽哥哥仲因為咁冇開車幾個鐘，朝早亦要涉水咁行路！
到左下午，冇咁大雨，大約兩點半，我同媽咪就落左青衣城，為的就是去豐澤幫elsa買部canon 860，冇錯，又係canon 860，雖然出左十個月，但我地已經傳染到身邊成十個人都用呢個model啦，因為個個都覺得我ｄ相靚呀，我又成日有相係blog比人欣賞到呢，嘻嘻~~
咁早落青衣城都好慘架，因為我約左太陽哥哥五點半，但我又唔想行街，冇shopping慾念麻，就叫埋媽咪，幫elsa買完相機後就去UCC Cafe食tea；其他食店都好多人呀，要攞飛等位，但呢度就唔洗等，因為呢度價錢係貴ｄ既；不過貴ｄ真係格局都唔同ｄ，環境靚ｄ，又唔會嘈喧巴閉，幾好呢！
呢盞水晶燈好靚呀！
媽咪係度，我就唔洗一個人戇居居；食完tea後，我去買好七點飛同太陽哥哥睇戲，跟住陪媽咪周圍行下；太陽哥哥五點半就黎到啦，一齊行左陣，媽咪諗住返屋企架啦，佢話今晚返到去，簡簡單單食少少野就得；太陽哥哥楂車只食左早餐，宜家實好肚餓，我就提議不如一齊去池記，等媽咪食碗雲吞麵咪得囉，大家都舉腳贊成，媽咪仲好開心呢！
第一次見識冰鎮奶茶，但好普通，都不及屋企樓下冬菇亭的奶茶！
食完野後，陪媽咪去百佳買餸，因為講好太陽哥哥聽日開車後黎食飯，又係一個好提議！太陽哥哥大膽地點餸，黑椒牛仔骨、雞翼．．．咁多肉？．．．媽咪醒目地準備煲埋佢最鐘意的冬瓜粒湯添．．．
跟住我地去睇sex and the city，我冇睇過電視劇，所以一張白紙咁入場睇，我覺得ｄ太太好醜樣呀，四個最靚係最左邊個個，女主角我仲覺得有ｄ似Meryl Streep梅麗史翠添，哈哈！不過個故事內容都幾好睇，亦好正面，好岩ｄ事業型女人睇！但我就．．．岩就小女人多ｄ，嘻嘻~~
睇完戲出黎，邊個call我呀？原來係琪琪同媽咪黎接我地！又會係青衣城既？琪琪有野要黎，媽咪又陪埋佢黎，咁我地咪又咁見面囉，哈哈！
今日真係全日都盡在青衣城喇！
沒有留言:
張貼留言