今日收到媽咪的禮物，一支Lancome Lip Gloss．．．我好開心好感動，其實我一向唔化妝，亦對呢方面冇興趣；只係part-time除左要求我地返工要著suit外，仲要搽唇膏；不過返左成個幾月，我都冇刻意去搽，因為本身我個咀都略紅，可能咁多年黎我都唔化妝，唔會好似ｄ化開妝既人咁，一唔搭就好似冇血色咁；但媽咪聽我講過一次part-time要搽唇膏，佢就買左支新既比我喇！
我感動係．．．其實返左part-time後，我見媽咪的時間少左好多，相處傾計亦冇咩時間，因為我有時返到屋企已經十一點半打後，我仲要沖涼訓覺，好在宜家weekend多左時間陪佢咋．．．覺得媽咪好錫我呀，只係講過一次就咁上心，唔知係咪女人都係細心ｄ呢，有時覺得媽咪仲比起男朋友仲更加細心呢．．．嘻嘻~~ 
媽咪都買左支比自己，左邊係佢，右邊個支有閃閃係我既；佢同兩個auntie一齊去買，夾埋買左八百蚊野就送埋下面既旅行set，不過我搽緊醫生藥膏，只係防曬同保濕岩我，其餘既就比太陽媽媽試啦！
沒有留言:
張貼留言