今日係父親節，等太陽哥哥放工後，佢即刻去太陽大哥哥髮型屋度剪頭髮，之後就返大圍同太陽爸爸慶祝，因為太陽大哥哥要繼續開工黎唔到，只係得我地四個咋！原來諗住食龍亨泰國野，點知多人到爆，要等十張檯．．．極失望呀，我一路已諗食咩餸諗到流晒口水，點知食唔到．．．最後去返太陽哥哥屋企樓下食上海野，好彩只係等幾張，到我地時仲咁岩係卡位，yeah！
雖然只係四口子食餐飯，但睇得出太陽爸爸都好開心，一話同佢影張相，佢就即刻放低筷子話：好呀！仲攬實太陽媽媽添，嘻嘻~~
呢餐當然係我地請啦，係度祝太陽爸爸父親節快樂！
至於我的爸爸，因為唔係香港，上個月已預先慶祝左，唯有越洋咁講句：爸爸，祝您父親節快樂！
沒有留言:
張貼留言