前幾天看了elsa剛去完迪士尼的相片，見到佢同ｄ卡通人物影相影得咁開心，我亦不禁睇返自己之前去迪士尼同卡通人物影既相，亦想同大家分享下！
我去左香港迪士尼三次架啦，但頭個兩次已係好耐之前既事，我亦未開始寫呢個yahoo blog，好多朋友都未睇過；至於第三次去係因為玩halloween（http://hk.myblog.yahoo.com/aquarius-givens/article?mid=3092），天黑去既，所以冇同卡通人物既相；就等我係呢兩日既blog entry分享下我之前同迪士尼卡通人物影既相啦！
第一次去迪士尼係2005年8月，當時迪士尼仲未正式開幕架，大家如果好記性的話，應該記得當時迪士尼係開幕前，優先比左ｄ飛係同佢業務有關係的機構；當時我既表姐夫係其中一份子，我同細妹亦有幸比表姐邀請一齊入去先"玩"為快！
當時最興奮應該係琪琪，佢睇晒ｄ雜誌，記低邊個位影相靚，仲有咩換襟章，都係佢講我知！最正就係呢本grand opening款式的相簿，宜家冇呢個款架啦，用黎比同您影完相既卡通人物簽名，留低最難忘的時刻！呢個玩意好似只得香港迪士尼先有架咋，當日亦無咩人知，個個見到我地本野先知，都幾威架，哈哈！不過記得個日都幾多人，加上ｄ卡通人物著晒衫隻手又戴晒"手套"，要等佢地簽名，比起同佢地影張相既時間長好多呢，少ｄ耐性都唔得，排係後面ｄ人都有ｄ不耐煩，因為我地十個人都有四五本相簿，但我地守晒規矩冇犯規，工作人員都好幫我地既！
個日去完迪士尼後，好心急晒ｄ相出黎整好本相簿，宜家本相簿係我個書架度，係一個好開心既回憶！岩晒我咁鐘意影相既人，嘻嘻~~
記得當日仲撞到鄧建泓，我仲割愛分左一頁比佢簽名，點解叫割愛？因為本相簿只得十四頁，其實係人都想米奇老鼠放係第一頁啦，但．．．同唔同到米奇老鼠影到呢？米奇同米妮係咪會一齊既呢？咁要唔要留起第二頁呢？咁第二最愛winnie the pooh呢？放第三頁好冇？白雪公主．．．比唔比佢簽好呢？比左佢簽，一陣我想簽個ｄ公仔冇晒位點算？．．．．呢ｄ問題，真係幾考起我，因為我第一次黎，大家都知沿途會突然出現ｄ公仔，通常都見一隻影一隻；加上當日咁多人，同到邊隻公仔影真係估唔到；但您一同完隻公仔影相，您點都要決定比唔比佢簽名，同比第幾頁佢簽架啦！
講左咁耐，大家係時候欣賞下我本咁有紀念價值既相簿啦！
沒有留言:
張貼留言