第二次去迪士尼係2006年頭，當時有同事有半價飛，第一次去時掛住影相，放棄左好多game，都未玩清楚，好自然就係短時間去左第二次啦！
首先當然要同大家分享我最鐘意的人物chip n dale！佢地兩個好鬼馬，拉住我周圍走，其中chip曳到走左去後面的門(其實係精品店的側門)，作狀想衝入去，我又唔知好唔好同佢一齊癲去開門好喎，係個刻，另外隻dale就捉住我，作狀叫我唔好理chip，同佢影相先，哈哈！
我講左句：您地一齊錫我丫！呢張相就係咁得黎啦，好開心呀！
show晒chip n dale後，pooh pooh同tiger係我第二鐘意既，佢地夠colourful麻！不過pooh pooh真係幾咸濕，聽過超過一位朋友講架啦，佢一見女仔就一手攬到佢實架！
marrie呢隻富貴貓係phoebe至愛，之前買野比phoebe，留意佢多左，都覺得呢隻貓幾可愛呢！我超鐘意呢張相，影得我地pose好一致呀！
其餘的相仲有唐老鴨同米奇米妮，第一次去迪士尼同公仔影得多ｄ，因為今次去主要係玩game，見到ｄ未影過既同埋係出名既勁人物先影啦！
米奇米妮係迪士尼的主角，但反而我最喜愛的迪士尼卡通人物頭三甲都冇佢地份呢，嘻嘻~~
沒有留言:
張貼留言