2008年6月14日 星期六

2008-06-14 (Sat) 扒王之王早餐 & 變形俠醫


太陽哥哥weekend開始楂車後,我陪媽咪的時間相對多左,可以成日陪佢食野行街,今日我地去左扒王之王食個鋸扒早餐,型!不過我個樣都仲未訓醒...嘻嘻~~





今日要做好多野,去銀行,去地產,去豐澤...做完正經野後就行街街,買左件衫送比媽咪,半價左都要成四百蚊,媽咪話好貴呀,但我話我做part-time剛出左糧,就當係新工禮物!媽咪好好呀,佢話件衫等於我做兩日part-time,好陰功喎!我同佢講,您個女人工算高,一日半啫,唔洗兩日,哈哈!媽咪得一個,佢鍾意就no problem啦!加上件波點衫襯條吊腳牛仔褲係入面,真係著得媽咪又型又青春!反而自己冇咩收穫,只係揀左件半價左的八十蚊吊帶打底衫,諗住返part-time著係套suit入面;因為part-time返工宜家要著suit呀,唔著少d係入面我真係就快焗死同熱死!唔知係咪做左part-time後,真係覺得搵錢艱難,唔係咁有購買慾呀!黎緊兩個星期好"甘"添,要返二三四六四日呀,要加油加油!





夜晚媽咪煮火鴨絲炆米比我地食,太陽哥哥一放工就黎食晚飯,之後就落左青衣城同佢睇變形俠醫,當然由細心的我係晏晝買好飛啦;我諗太陽哥哥楂車都好辛苦,朝早六點就要起身,六日兩日都係咁;佢怕我話佢睇戲成日訓覺,就買左包薯片食,我好飽唔想食,點知佢自己一個人食晒成包後...都係訓著左,哈哈!一有精彩場面,我平時會叫醒佢架,但今日見佢咁攰,都唔忍心推醒佢了



呢套戲都幾好睇,好精彩同緊張,我仲睇到好肉緊都手心標汗呢!



沒有留言:

張貼留言