2012-08-21 (Tue) 小丁丁游水中

小丁丁間唔中都踢得好犀利架，懷孕期間，作為準媽媽，我係最享受呢個感覺！拍低過好多次都拍唔到，一拍佢就唔郁了，今日終於拍到！太陽哥哥望住開頭靜止既動態，跟住小丁丁一郁，佢都嘩左聲！平時講佢都唔明，今日有證據啦！

2012-08-20 (Mon) 清潔叮噹車

太陽哥哥好鍾意新車的顏色，亦改左佢個名做叮噹車，同小丁丁一樣，都有個丁字呢！

買左車成個星期，由買車個日已經落雨，車身好污糟了；今晚食完飯就去抺車，太陽哥哥在抹叮噹車+ing，我就在陪他&蘿霸+ing！ :D

2012-08-20 (Mon) Cooking@Home：光波燒肉．光波鹽焗雞脾．翠玉瓜瑤柱雞脾菇

老公勒令唔可以再買餸煮飯，已經停左成兩個星期．．．但唔煮食咩喎，唯有揀ｄ輕手ｄ，最後佢都批准啦！輕手ｄ係盡量用光波，所以今晚整左光波燒肉、光波鹽焗雞脾、翠玉瓜瑤柱雞脾菇！因為燒肉翻叮唔脆，只係 for 晚飯食，雞脾就帶飯！

多得細妹送的不锈鋼碟，光波時取替錫紙，清潔方便之餘，又環保又好用！

2012-08-19 (Sun) 單拖楂車過海．玲玲慶生飯@赤柱．太古城反斗城

因為約左玲玲一家去赤柱食慶生飯，所以今日要接受挑戰，就係單拖楂車過海接太陽哥哥，再入赤柱！擔心左兩日，好左都順順利利，都要多得太陽哥哥既細心路線圖！

去紅隧時真係塞左好耐．．．

接左太陽哥哥後，因為時間尚早，去左灣仔泊咪錶半小時，行下日本城同大眾書局，跟住太陽哥哥指導住我經香港仔隧道入赤柱，唔難丫！但我諗過兩日我又唔記得左條路點行了，哈哈！

早左到，兜左去墳場個邊，幫架叮噹車影下相，出左車成個星期都未影過！

 

跟住會合玲玲一家食越南野慶祝玲玲生日！

 

食完飯再去太古城反斗城，玲玲揀生日禮物呀，睇佢幾開心！

2012-08-18 (Sat) 九龍城．Dinner@西沙茶座．Desserts@小方糖

出左車後, 細妹都手痕想楂, 當然冇問題啦, 我出牌保時都已經加左佢名, 我呢個家姐幾唔話得, 哈哈!  有車後, weekend梗係要去下效區, 所以訓醒就打比表姐, 約今晚一齊去西沙茶座食泰國野!

先去九龍城接細妹, 去埋表姐介紹的毛巾鋪頭, 買埋兩打紗巾比小丁丁!



跟住由細妹楂去太子接太陽哥哥放工, 之後直入西沙; 黎到都未天黑, 周圍影下相先!

呢餐飯食得好開心!

 

跟住細妹由西沙楂返九龍城, 仲去左小方糖食甜品, 好正呀!

 

今日好開心, 假日去下郊區食飯, 一樂也!