2011-12-30 (Fri) Barry's Wedding

連續兩日係屋企休息, 每日都訓足十五個鍾, 身體舒服好多了, 回覆了一半體力啦! 夜晚六點起身換衫, 結婚咁大件事點都要到既, 頂多唔食咁多野啫, 六點九上巴士, 竟然要90分鐘車程, 因為塞車呀! 最後成八點三先到, 攪到影唔到大合照..........好在係門口見到新朗哥, 即刻捉佢影張相!

呢度個空中花園好靚, 仲望到對面海!

新人出場:

呢d裝飾第一次見, 幾特別!

全檯識得, 可以慢慢影相~~

新人敬酒:

好似 Eason 的兄弟之一同我地同檯~~

臨走好在有機會影大合照呢!

子元今晚係咁我做靚姐姐同乖乖豬呀, 好攪笑!

2011-12-30 (Fri) 愛心老人家

一班愛心老人家，係咁凍既天氣下服務街坊，梗係支持下！
場面好攪笑，佢地調返轉服侍後生過佢地的媽咪，哈哈！
不過岩既，我相信佢地既血壓的確冇媽咪咁高，媽咪要加油喇！

2011-12-29 (Thu) 年尾大病．Dinner@Lime Garden(青悅越南料理)

2011最尾幾日黎個大病, 睇醫生後得左十隻藥, 醫生亦叮囑要休息多一日, 必定要臥床訓覺, 唔係將會好慘咁過除夕........今日首次睇中大網絡醫生, 最近係得藍澄灣架啦, 雖然要比三分一, 但個醫生又幾好人, 仲好後生添!

睇完醫生搵小巴去青衣城, 媽咪細妹已搵定位, 病當然食清d, 去左新開的越南餐廳, 食湯粉; 可惜我冇咩胃口!

今晚首次經歷係街暈低, 當時係百老匯等比錢買個量血壓機比媽咪, 突然狂打喊路, 好眼訓, 跟住好想嘔+暈, 細妹話見到我嘴唇變左紫色, 媽咪即刻扶住我, 我話想坐低, 即刻行去大約三十步的 starbucks , 一路行時仲變到聽唔到野+雙重vision.................好快跌落 starbucks 梳化, 飲左杯暖水, 隔離個哥哥仲叫媽咪快d買d 甜野我食.......媽咪話睇住我嘴唇由白色變返粉紅色, 有驚無險!  但我個嘴唇變左好多色喎, 變色龍咁~~哈哈!

2011-12-27 (Tue) MI4．Dinner@Monster Sushi

聖誕假最後一日去睇 MI4, 上星期已係 iMAX 買定飛! Ryan & Hazel 早幾日約我地今日食飯, 當時上網即刻幫佢地買埋飛, 雖然買到, 但就唔可一齊坐!
套戲好緊張刺激, 去到第四集都咁好睇, Tom Cruise 真係掂!

睇完戲就去食Monster Sushi!