媽咪今日起程跟叔叔嬸嬸＋姑媽姑丈去泰國旅行9日，今朝我地三個先陪佢去青衣城飲早茶，再送佢去搭機鐵！有得搭飛機，媽咪心情勁靚，笑到十萬咁口！
九點就飲早茶啦～～
今次監察住威哥叫佢咪亂點，份量剛剛好，唔洗食到嘔！
跟住送媽咪去機鐵站～～
入閘後架機鐵剛開，shit．．．唯有隔住欄杆hea多陣傾多陣計！
機鐵成十分鐘先一班，咁長時間，我地咪影下相；後尾媽咪提議影三個人一齊，唯有自拍，我地仲越影越無聊＋低Ｂ！
時間差唔多啦，同媽咪say goodbye，佢係遠處仲同我地玩！
跟住同細妹係青衣城行陣，因為佢約左人十二點係灣仔，點知真係"橋"，太陽哥哥打比我，佢剛接左客去機場，咁琪琪一陣可坐佢車過海！下晏個幾個鐘各自各做野，我就返左屋企休息同做自己野；約左左五點係尖沙咀等，夜晚我地會有個精彩節目，由七點開始連續三個鐘，所以我地要早ｄ食晚飯！
一直想試 iSquare 的 Panash Cafe，之前太多人等食唔到，今日呢個時間good fit，終於可以去試下啦！
我地三個人，叫左一個意粉set＋兩客意粉，其中一客再加$30有個湯同一籃麵包！左邊個份就係加$30的，右邊個份係跟set的：
我的海鮮意粉：
琪琪的三文魚意粉：
太陽哥哥的帶子蜆肉意粉set：
食完早飯我地就出發去Harbour City，精彩節目黎啦(待續)！
．．．