旺角係我同太陽哥哥成日去的地方，今日晚餐再次幫襯女人街的紅蔥頭，今次冇叫二人餐，因為我想試下款黑松露意粉，而呢款意粉因為唔係二人餐入面，上次試唔到，今次一於試下！
呢客ＢＢ豬仔骨，消費滿一百蚊就可以半價$24享用，非常抵呀！
黑松露意粉呢度只得一款，係煙三文魚，可惜我唔食，所以太陽哥哥特登揀左款帶子意粉同我換餸！
太陽哥哥的白汁磨菇帶子意粉，帶子係就幾大隻呀，可惜食落好淡，冇味．．．上次的卡邦尼汁意粉好味好多．．．今餐總括黎講麻麻地咋！〔佢話扮好味的雙眼甫士太樣衰，唔出得街，所以打格仔先!!〕
2009年2月27日 星期五
2009年2月26日 星期四
2009-02-26 (Thu) 屋村盆菜
上個weekend出街時，見到屋企樓下個球場set up緊，原來今晚有盆菜宴，我都唔知添！呢個情景我係度住左廿幾年先第一次見(可能有d舉行左我都唔知啦)，覺得都幾攪笑，一個球場仔，咁都可以擺到咁多圍盆菜宴！
到我夜晚去完街九點幾返黎，見到ｄ業主就食完走晒，得返ｄ幹事們係度寒暄，仲要唱Ｋ跳舞，真係奇景！返到屋企後，我住到差唔多三十樓都聽到佢地唱歌，睇黎佢地真係超high！
我仲見到有架van仔駛左入球場入面，應該係盆菜宴間公司運返ｄ物資走，又會駛到入球場既？不過駛到入去都好，唔洗搬咁多野咁辛苦，檯櫈之餘仲有gas爐同餐具，都幾係野架！
訂閱：
文章 (Atom)