2012-09-07 (Fri) Sunny Post

太陽哥哥出報紙？哈哈～～

2012-09-06 (Thu) Lunch with 舊同事

舊同事未見過我大肚，想趁我生前見下我，今日就一齊食 lunch啦！

2012-09-06 (Thu) 華叔叔送小丁丁的衫仔

多謝華叔叔送比小丁丁的衫仔！

2012-09-05 (Wed) Dinner@陳根記

太陽爸媽第一次坐我地車，帶左佢地去表姐推介的禾輋陳根記，真係幾好味喎，仲有free parking，食完仲可行陣Jusco supermarket！

因為乳鴿唔上奶，所以我冇得食，睇太陽哥哥食得幾招積，我就食伴菜咋，哈哈！

 

 

2012-09-05 (Wed) 誰的 Pat Pat 仔？

誰的 Pat Pat 仔？肥嘟嘟，好多肉，行時噔下噔下，好想咬一啖呢！最攪笑仲企定定拿高件衫比我影！哈哈～～

原來係您！

 

2012-09-04 (Tue) 2012 梁靜茹愛的那一頁 世界巡迴演唱會 香港Encore篇

書檯放著太陽哥哥整的演唱會邀請咭驚喜，上年錯過左，今次encore篇能去到好開心！多得Hazel契媽幫手，只係補多$70就有row B行，抵+筍！ 我唔貪心，呢個就當係今個月結婚三週年的禮物啦！ ^^

2012-09-04 (Tue) 母乳Talk@QM

QM d talk 真係幾 informative, 今日上左母乳班, 好有用, 知多左好多野, 太陽哥哥仲因為問問題獎左隻DVD添, 叻! 但內容好快又唔記得, 如果個powerpoint可以帶返屋企就好啦!

2012-09-03 (Mon) 小丁丁的英國手信

小丁丁又有禮物啦，係太陽哥哥公司同事(佢其中一個囡Clolia)帶回來的英國手信! 宜家身邊d人想買野比我地, 都係比小丁丁架啦!

2012-09-02 (Sun) 我們的鋪頭

太陽哥哥同我的鋪頭～～哈哈！

2012-09-01 (Sat) 大肚相 - 鏡頭外的花絮by 細妹

係小丁丁出世前，又圓了一個重要項目，就係影左好值得留念的大肚相！多謝 Uncle Kim 的仗義幫忙，最攪笑係諗起搵 Uncle Kim 幫手既，竟然唔係佢的朋友(我同太陽哥哥)，而係細妹！Uncle Kim 係主力，不過我叫埋細妹一齊黎，幫手影下鏡頭外的花絮；真正既相，等 Uncle Kim 執晒相先post 啦！

Uncle Kim 成家總動員出動，花絮相當中，好多時敏昊敏都入左鏡，亦捕捉到佢地望住我地好奇的一面．．．點解佢地除晒衫咁醜怪既？佢地係度仲咩呀？點解個肚成個波咁既？好攪笑！

初步睇過ｄ相，好滿意好鍾意呀，今日雖晏，但好開心好好玩，好在小丁丁都撐得住，乖乖豬！之後車細妹去新蒲崗，我地再去屯門食晚飯慶功，順便載佢地返屋企！真係非常感謝 Kim 的幫手！