2012-08-04 (Sat) Gladys' Wedding

今日係 Gladys 結婚，我地被邀去觀禮；因為上午要返工，一放工趕去，遲左半個鐘，去到牧師講緊道，亦見證到最重要既moment！我第一次黎呢個教堂，好靚呢！觀禮後同Mavis & Erica 食野，三個女仔都雞啄唔斷講左好多野，哈哈！

 

2012-08-03 (Fri) BB展．QM產檢

一心冇諗住去BB展，一來冇時間，二來我個肚好大啦，驚比人撞，宜家咁多大陸人！點知突然有變動令我地配合到，就係原本約好左QM產檢，但醫生因突然有手術做，打比我叫我遲兩三個鐘到，我地就即刻去行個圈喇！

仲用到早幾日收到的免費飛，入場費都唔洗！

本身冇諗住去，前兩日已托定表姐朋友代買貨，所以心中已知買咩；雖然得少少時間，但已鎖定只去NUK/GOO.N/思詩樂！

呢ｄ價錢好有用，留定第時參考先！

 

JUMBO size 同珍醋好攪笑！

 

time planning & arrangement 實有太好，加上我地好早到，冇咩人，走時先開始多人；短短時間已買晒想要既野啦，全部都有送貨；仲有好多贈品呢，不過贈品就要自己拎走！

跟住去QM見醫生，小丁丁宜家有三磅啦！不過有ｄ擔心呀，醫生話小丁丁已調左頭，其實七月頭睇時個頭已經都係底，今次又係；佢仲話好底，可能會早產，但冇咩做到，叫我休息多ｄ，唔好比咁多壓力下面令宮頸受壓．．．小丁丁呀，您唔好咁快出世呀．．．．

之後諗住去Sky 100用埋ｄ飛，5-7pm係最好時段，去到門口，表姐咁岩都黎左elements接表姐夫放工；因表姐夫公司係80/F，佢話今日超級多煙霞，千其唔好上去，晒錢喎！

平時的對比：

最後我地梗係唔去啦，去左同諾諾& Jayden 係playground 玩一陣先返屋企，去到青衣城發覺春田花花轉左幾隻公仔，又影一影！



返到屋企晒冷今日戰利品～～呢ｄ係贈品：

呢ｄ係非送貨內的產品：

今日就咁買一買就二千大元喇！

2012-08-02 (Thu) Cooking@Home：光波窩夫雪糕

我好鍾意食有窩夫既甜品，個日行超市見到即刻買返盒；今晚宵夜就大派用場，整左光波窩夫雪糕，超好味！太陽哥哥仲食得好滋味呢！^^

 

2012-08-02 (Thu) 心思fruit tarts

聽日其中一個暑假工同學last day啦，佢知我放假，今日提早送左佢親手做的fruit tarts請我地食，有埋名牌架，食完仲有野儲，好有心思呢！

 

2012-08-01 (Wed) Charade & Ellen慶生飯@EXP

Charade & Ellen 一個七月一個八月生日，今餐一齊慶祝，去左又一城EXP；雖然好似快餐店咁，但意粉pizza都好好味，有機會都要帶太陽哥哥去先得！埋單問問下先知大學職員／學生有成八五折，抵呀！

 

今日班長仲送左份禮物比我，係一個粉紅色的粉樽相架，好有心呢！