2012-06-03 (Sun) H&M．9° Beauty Facial．Biolyn 燕窩

今朝先去BC做YLE shadow，第一次玩YLE，ｄ小朋友真係好可愛好得意，當然係細個ｄ既班啦！做完差唔多十二點，太陽哥哥黎車我，一齊去翠華食lunch！跟住我行H&M，買左兩對可愛襪仔比小丁丁！其實仲有衫仔襯埋，頂帽有耳仔都好得意，但覺得太似男仔衫所以冇買！

再去9° Beauty做個免費 Facial，上次買Enary附送的！



做完約太陽哥哥放工，佢之前睇報紙見到Biolyn 燕窩廣告好似OK，因為我又唔識自己挑毛燉，又唔想買即食怕多防腐，一於試下取其中間，唔洗挑毛唔洗加咁多防腐又可以自己試下燉！

即晚燉左四分一，都幾大樽喎！

2012-06-02 (Sat) Cooking@Home：光波燒肉光波燒肉、牛油粟米、炒菜心、椒鹽排骨

細妹年頭送的光波爐, 終於開爐!  我揀了光波燒肉黎整, 原來真係好容易; 賣相似街買一樣, 味道比街仲正, 因為塊皮好似薯片咁脆, 老公比左一百分!



九點就起身去街市拎舊有lin lin部位既靚五花腩(細妹教), 加上媽咪尋日已幫我同老闆留定, 老闆娘特登比我睇左係lin lin先我切, 哈哈!!

以防萬一, 整多樣椒鹽排骨, 作失敗的後備或星期一帶飯!

突然好想食KFC的牛油粟米, 呢2支粟米係朝早係街市買，諗住晏晝肚餓蒸黎當TEA食，點知一訓就訓到五點，唯有當埋晚飯；撈左牛油，真係同KFC牛油粟米一樣味呢！

光波燒肉成功左, 椒鹽排骨用作愛心飯盒帶飯！

2012-06-01 (Fri) Dinner@元氣壽司

睇完醫生，約埋表姐夫食飯，兩個小朋友鍾意食元氣壽司就揀左呢度喇，表姐真係送左好多野比小丁丁用，呢餐一定要請食飯還咁ｄ債！

2012-06-01 (Fri) 小丁丁照結構

今個week 小丁丁夠週數照結構啦, 咁重要既test, 梗係去返 Dr. Lam 度啦, 表姐今日仲一齊黎添, 因為諾諾同Jayden都係 Dr. Lam 接生架, 黎探下 Dr. Lam 囉!

 

今日去左個仲大仲靚既房, Dr. Lam仲好好人主動照左陣 4D我睇, 我冇特別request架, 另外仲有張canon相紙print 既相比我拎走添! 4D好勁呀, 我以為小丁丁個頭前面係隻手仔, 但原來係腳仔, "橋"到咁高真係粗魯喇, 哈哈! 不過其實我覺得4D相有點恐怖呢......!

值得一提係呢度廁所個view真係超正, 每次洗完手都會望下! hehe! 

臨走時表姐佢地同Dr. Lam 影相!