2012-04-08 (Sun) 長州遊．Kim嫂慶生飯@小南國

今日同太陽哥哥舊同事長州遊，先搭船入去，有小朋友，梗係坐豪華位啦，我地仲將細B放上檯等佢活動一下添！

敏昊表哥成日唔開心．．．

一落船，即刻去甘永泰買返串魚蛋食先！

跟住飲茶～～

再食甜品～～

去沙灘玩～～

夜晚返出中環，去左小南國食飯，幫Kim嫂慶生日！

 

離開商場時，小朋友見到ｄ復活節佈置，異常興奮！

轉場去左間好靚既星巴克，同Kim嫂切蛋糕，敏昊當正自己生日咁，又吹蠟燭又許願，好攪笑！

 

2012-04-08 (Sun) 復活節的早上收到復活蛋

唔食得朱古力，太陽哥哥今早比左隻好健康好可愛的復活蛋驚喜我！

2012-04-07 (Sat) 高舉愛

太陽哥哥一直想睇高舉愛，好在臨落畫前睇得切，今朝去左青衣城睇早場，仲係大家樂食左個豐富早餐！

套戲好好睇呀，比預期高！我喊左好幾幕．．．大力妹話人人叫佢大力妹，但其實老公先係佢既大力士，無怨言咁為幫佢實現理想而撐起成頭家！老公就覆返話．．．放心，我做呢個大力士做得好開心！超感動～～跟住到老婆坐係老公墓前，喊住講點解您要揼低我呀？您去左邊呀？我好掛住您呀！心好酸～～完場時著燈，太陽哥哥面上仲有成行眼淚呀，原來，佢仲喊得勁過我！出戲院佢仲要即刻去洗手間洗面先得！

睇多次預告片都一樣感動！

四五點前又落樓下食下午茶餐，好好味！不過攪到同太陽媽媽係旺角食晚飯時完全食唔落，個胃仲好唔舒服添！