2012-04-06 (Fri) Beach Wedding@南丫島模達灣．Dinner@元氣

太陽哥哥舊同事結婚，仲係我未見識過的 Beach Wedding，所以太陽哥哥帶埋我去觀禮！地點係南丫島模達灣，距離索罟灣要成半個鐘路程架；不過主人家有安排私人郵艇接送，係香港仔上落船，好方便！

新郎哥都係設計同行，所以係自己設計請帖；我好鍾意請帖入面頂頭關於新人的愛情故事，仲有請帖底部用指摸砌出黎的心型！

 

新人出場～～
http://www.youtube.com/watch?v=hNxfxH3fHgk&feature=BFa&list=UU8pxTXc5-9eTI8HlrSp3xdw&lf=plcp

儀式舉行期間，一路開始大浪+潮漲，好攪笑！
http://www.youtube.com/watch?v=z9B0LkXG1eE&list=UU8pxTXc5-9eTI8HlrSp3xdw&index=2&feature=plcp

餐廳內：

我沒有參與飲宴部份，約了表姐一家；回程時遊艇只得我同律師兩部乘客，包船呢！

表姐一家係正碼頭接我落船，我地去左香港仔中心的元氣食晚飯，今日仲一睹表姐的大力本色！強！

 

2012-04-04 (Wed) 赤柱．青衣戲棚

今日太陽哥哥休息日，太好了！一早起身先落樓下食早餐，跟住回家佢做大清潔，洗到個廁所好乾淨呢！我小休兩個鍾後，一點起身就出街喇，先係銅鑼灣買少少野，再搭小巴入赤柱；但沒買甚麼，行得攰，仲係海邊訓左成粒鐘，聽住海浪聲+麻雀仔聲，好舒服呢！

 

之後又返銅鑼灣行陣，食左上半份晚餐；返青衣會一年一度的大戲棚，買埋下伴份晚餐回家食，我最期待就係Jacky 爸的豆腐花，正！

2012-04-03 (Tue) Dinner@Lime

假期前夕媽咪冇煮飯，去左青衣城晚飯，又係去Lime，其實我已經食過好多次唔想再食，但媽咪要食清野，冇辦法～～

 

2012-04-01 (Sun) Dinner@Mes Amis．春嬌與志明

今日呀仔兩公婆約左我地食飯睇戲，先食左個好豐富的晚餐！

跟住去睇春嬌與志明，真係超好睇，極力推介！笑位不絕兼一絕，好多好多．．．捽腳底定捽雀仔、伊健初戀、動地驚天愛戀過、螞蟻上樹、姣爆brenda、腿張開、余文樂版別問我是誰．．．．．．有衝動令我想睇多次添呀！
 

 

2012-04-01 (Sun) 復活節聖週

踏入復活節聖週，今日崇拜好特別，每人派發棕梠樹枝，就係當耶穌步入耶路撒冷時，人民用黎迎接佢的棕梠樹枝！