今日係屋企努力做 freelance，加上仍係濕立立的下雨天，唔想出街；早上打去幫襯開的電器鋪頭訂暖爐，點知要等行送貨兼未知期，但我想快唔想等；另一個選擇係佢地鋪頭仲有兩部存貨，可去九龍灣自取，仲可扣返行收的 $50 運費添！
太陽哥哥話咁佢楂完車後去拎，反正我地唔出街；我有點擔心又落雨部機又大，佢冇手推車，點拎呀？但佢話得就得啦，真係辛苦晒佢喇，咁大部就咁揹返黎，勁！埋單只係 $906，出門賣緊千一二架，抵呀！
我地今晚即刻開黎試用，但仲未掌握到，因未得閒睇說明書；加上可能係衡溫，ｄ暖氣出出下會停左；我想佢長期出暖氣呀，暖笠笠真係好舒服！
網上資料：
https://www.whirlpool.com.hk/sc_webcat/ecat/product_view.php?lang=2&cat=10009&id=1050&page=1
第六感恆溫充油式暖爐
產 品 型 號: RT09
系 列: 即暖系列
|
|
| ||||||||||||||||||||||||||||||||||||||||||
Jimmy-san下星期生日，我地今日約定同佢食生日飯，今次能係生日前約到，真係好啦！我帶左大家試『龍門客棧』。
呢碟餸如果係中間插支蠟燭，就好似生日蛋糕喇！
我地叫左三個 set lunch，但已足夠四個人的份量。
影相先～～ Jimmy-san：Happy Birthday！
大合照～～不過經理手勢麻麻，要我返黎 cut 細ｄ張相既！
今日我第三次黎，整到張會員證，可以比姑媽用啦！
今晚又凍又落雨，濕立立我唔想去咁遠；加上接左 freelance，想快點食飯返屋企，所以約左太陽哥哥係葵芳食飯；去左『好好粥麵』，我諗都年幾冇食過！
太陽哥哥雙眼皮靚仔好多喎，哈哈！
冬天黎緊啦，我地屋企冇暖爐，我又比以前怕凍左好多(年紀大, 身體差左好多呀!!)，上年個冬天真係凍到心都寒；而呢排我已經開始覺得凍啦，所以呢幾日我已上網睇定ｄ暖爐，飯後我地就去睇下實物！
前後其實都去左豐澤、百老匯、DHC直銷中心睇，不過大多都係雜嘜牌子，我唔想要雜嘜，最後睇中了惠而浦，格過價都唔及幫襯開的電器鋪頭平；而今日睇完實物後，更加鎖定目標：惠而浦 9 片發熱片充油式暖爐！
決定左個心即刻舒服晒，即刻去買返杯 Häagen-Dazs 食先！
我地其實仲物色緊冷氣機，因為廳個部冷氣得一匹，有朋友黎食飯，尤其是打邊爐，夏天真係唔夠凍，宜家季尾買就最好不過啦！不過返到屋企先發現，我地睇中左部 HITACHI 兩匹，個氣窗口高度唔夠放呀，點算好．．．？
近來係公司停車場見到架好型的三輪電單車：
其實好多年前係街度見過一次，跟住好少係街度再見過！聽聞好似兩萬幾蚊咋，咁安全，又可愛，我都想要返架，不過可能未必夠力上到公路？！
