結婚後的日子仍然過得忙碌，宜家一至四的夜晚，通常我返兩日PT，淨返個兩日，希望一日同太陽爸媽食飯，一日同我媽咪食飯，一星期就咁已冇左四日了；跟住到五六日的夜晚，大多數都係我同太陽哥哥的私人時間，行下街睇下戲，或者處理屋企既事等等．．．有時再撞岩是但一方要去飲，屋企有要事，或者同朋友既約會，我同太陽哥哥一齊的時間亦會更少！
難得今天沒有特別事宜，可以同太陽哥哥過下二人世界！放工後我地去左板前：
太陽哥哥拎籌時竟然拎中情人節號碼，我見狀後好興奮呢，簡直心花怒放！
我地食左：
特別推介 - 鵝肝壽司，超正，勁爆好味呀！
刺身係太陽哥哥點既，我冇為意，只係佢知我既最愛係赤貝．．．埋單後我先知赤貝刺身好貴呀，淨係呢幾舊野就要$70大元！咪十幾蚊一片？！我知道實唔會點呢！
多謝太陽哥哥！
飯後去左行十蚊店，但旺角呢間好似唔係好多野岩我地咁，只係買左少少野咋，等我未黎時仲好興奮，諗住瘋狂掃貨架麻！
另外，晚飯前我地行街，我送左件新裇衫比太陽哥哥聽晚飲宴之用！
做左咁少野，轉眼已十點幾啦，我地既二人時間只係得三個鐘！
