今日有兩個helper放假, 幫我一齊照顧丁丁, 咁就去迪迪尼啦!
2015年1月31日 星期六
2015年1月30日 星期五
2015-01-30 (Fri) HK3D Museum
表姐早前幫忙買左@$68的HK3D Museum 飛, 今日同埋EE一齊去先! 丁丁算合作, 都影到D迫真攪笑; 係度玩左個半鐘, 影到呢D相不錯了!
2015年1月29日 星期四
2015-01-29 (Thu) 丁婆婆生日飯@太平館
丁婆婆生日, 佢原本話去金潮, 但我地想帶她試新野, 最後去左太平館; EE帶左D攪笑眼鏡影相之用, 叫埋呢度出名既 jumbo size 梳夫厘, 為呢餐生日飯劃上完美句號!
2015年1月28日 星期三
2015年1月27日 星期二
2015-01-27 (Tue) Jimmy慶生飯@加太賀
Jimmy慶生飯, 食家Ken Sir帶我地黎到加太賀, 訂左間四人房, 叫左四人餐再另叫其他野, 仲有個魚生飯, 原來係生日蛋糕黎既; 但實在飽到食唔落, 加上我唔食魚生, 可以幸免, 哈哈! 最好玩係飯後餘慶節目, 係條街到扮晒去左日本影相; 同埋玩遊戲, 我地張檯有三次機會, 每次三下, 試玩唔計; 我諗住第一下試, 點知連續三下都打到, 但侍應姐姐話係試, 全部唔計, sad.......之後再正式玩, 冇人成功, 不過都過左一個好開心既晚上!
2015-01-27 (Tue) 第一次玩食錢車車
第一次玩食錢車車, 我阻示唔到, 因為婆婆湊完丁丁返學, 飲完茶發生.........睇得出丁丁好開心覺得好新奇, 但為左種下壞習慣, 我係堅持唔會入錢的!
2015年1月26日 星期一
2015年1月25日 星期日
2015-01-25 (Sun) 中大飲茶/餵魚/淋花/踩scooter
今日又去中大飲茶/餵魚/淋花, 跟平時不同的, 就是丁媽媽發現一個頗大又適合丁丁踩scooter的地方, 丁丁亦踩得好開心; 之後淋花, 丁丁最愛施肥, 可以好專心咁施好耐, 哈哈!
2015年1月24日 星期六
2015-01-24 (Sat) Playright@摩士公園
Playright又有活動, 今日又唔洗返工, 時間好fit, 梗要去啦! 唔知係咪偏早, 一點九黎到冇咩人, 玩左好多本要排隊的活動, 跟住同丁丁玩公園的遊樂場; 到了三四點真係勁多人, 排隊的龍都好長, 好在早玩左先! 最好笑竟然撞到三個朋友家庭, 小學同學昌/Lois/Virgina & 昕昕!
智樂遊樂車之IG悠樂黃大仙 - HIM墟地攤（地區活動，服務區內居民）
日期：2015年1月24日（星期六）
時間：中午12時至下午5時
地點：摩士公園4號（黃大仙杏林街30號）
對象：黃大仙區內之3-12歲小朋友及其家長
參加辦法：免費開放、毋須報名、即場參加
遊戲項目：Imagination Playground、車軚陣、激輪滑梯及枕頭世界
建議交通：港鐵樂富站A出口，步行10分鐘即達；或港鐵黃大仙站D出口，步行約10分鐘即達
智樂遊樂車之IG悠樂黃大仙 - HIM墟地攤（地區活動，服務區內居民）
日期：2015年1月24日（星期六）
時間：中午12時至下午5時
地點：摩士公園4號（黃大仙杏林街30號）
對象：黃大仙區內之3-12歲小朋友及其家長
參加辦法：免費開放、毋須報名、即場參加
遊戲項目：Imagination Playground、車軚陣、激輪滑梯及枕頭世界
建議交通：港鐵樂富站A出口，步行10分鐘即達；或港鐵黃大仙站D出口，步行約10分鐘即達
2015年1月22日 星期四
2015年1月21日 星期三
2015-01-21 (Wed) 曾維叔叔嫁女
曾維叔叔嫁女, 今晚丟低了丁丁去飲, 係, 食了豐富又舒服的一餐, 不過又好掛住丁丁; 仲好眼淺咁見新娘攬媽媽時, 主角先眼濕濕, 人地媽媽都未喊, 我竟然兩行眼淚淚如泉湧咁流.......佢地見到好爆笑囉, 仲話關您咩事呀?? R晒頭....我咪話諗到丁丁第時嫁人, 有個PK搶走左我個囡我就好傷心..........
2015年1月20日 星期二
2015-01-20 (Tue) hello kitty 冇咀呀!
買了這對hello kitty拖鞋比丁丁, 我問佢: kitty會唔會咬人架? 佢話: 唔會 我問: 點解呀? 佢靜黙左一秒, 竟然講: kitty冇咀呀! 咁細個就知hello kitty係冇咀呢個秘密, 哈哈! 小朋友的觀察力真不要睇少!!
2015年1月19日 星期一
2015年1月18日 星期日
2015-01-18 (Sun) Playright@上水北區公園
第一次去Playright攪的活動, 老實講要預左多人因為費用全免, 不過始終係公園入面攪, 太多人玩唔到, 都可同丁丁玩其他休憩設施; 好在丁爸爸唔洗返工一齊黎, 唔係真係handle唔到又要搵位泊車又心急想帶丁丁玩! 丁丁最鍾意爸爸同佢玩滑草, 好玩到暈~~ 跣低左都要再玩, 成個翻轉趴低兼食埋草都要繼續, 苦了丁爸爸, 哈哈!
新的一年，由遊戲開始！
2015新的一年，就由滿載歡笑、動感、趣味、變化的大自然遊戲開始！歡迎各新知舊雨前來參加「智樂社區大自然遊戲日」，齊齊走進北區公園、融入清新大自然、親親好玩遊戲！
日期：2015年1月18日(星期日)
時間：下午1時30分至5時
地點：新界北區公園（上水馬會道）
對象：3至12歲的兒童及其家長
參加辦法：完全免費、毋須報名、即場任玩
遊戲項目：禾稈草大戰、歡樂轎子、沙畫創作區、田園音樂會、大自然部族、自然小村莊、木頭創作區、滾滾木筒、竹筒運木珠
建議交通：乘搭港鐵至上水站，於B出口沿新運路往粉嶺方向走，步行約10分鐘即可到達公園入口http://www.playright.org.hk/…/jan…/envt_play_day_01_2015.pdf
2015-01-18 (Sun) 1004 babies 摘士多啤梨
今日約埋XXL一齊去摘士多啤梨, 多得Mackey媽叫埋我地, 去到粉嶺坪輋呢個僻僻地既士多啤梨園, $60磅, 識得所以$55磅; 呢度好乾淨, 最重要冇咩人, 鍾意去邊個位都得; 丁丁第一次自己一手一腳摘, 所以佢好開心自己做到, 仲忍唔住即摘即食左幾粒添!
2015年1月17日 星期六
2015年1月16日 星期五
2015年1月15日 星期四
2015-01-15 (Thu) Jacky哥哥到訪。丁爸媽Mr. Steak dinner。救參3
丁爸媽拍拖去, 交低比EE睇住丁丁, 點知Jacky哥哥突然放早, 又黎埋探丁丁, 知道丁丁愛切蛋糕, 買了黎一齊食; 見佢地咁開心, 媽媽都放心了! 同丁爸爸去了Mr. Steak鋸扒, 再睇救參3, relaxing night!
2015年1月12日 星期一
2015年1月11日 星期日
2015-01-11 (Sun) 玩具圖書館
第一次黎玩具圖書館玩, 原來成節只能換兩次玩具, 下次有經驗, 真係揀d丁丁想玩個d先!
香港中央圖書館服務: http://www.hkpl.gov.hk/tc/about-us/HKCL/services/toy.html
香港中央圖書館服務: http://www.hkpl.gov.hk/tc/about-us/HKCL/services/toy.html
2015年1月10日 星期六
2015-01-10 (Sat) 1004 babies @ Mackey's Home - BBQ
又係1004 babies聚會, 今次由三個家庭變成四個, 識到Mackey ma真好, 成日都可以去佢家玩超方便! 今日係丁丁第一次自己拎住叉BBQ, 咁岩個爐好適合BB用; 玩到悶又可入屋玩, 今晚真係好開心呀!
2015年1月9日 星期五
2015年1月8日 星期四
2015-01-08 (Thu) 迪欣湖
早少少放工同丁丁去放電, 比佢試下balancing bike, 點知仲未夠高呀, 已經較到最低, 可能要等到90cm先玩到, mini
size DD先得81-82cm........踩返自己架三輪車, 同Jayden哥哥一齊係公園玩, 餵魚,
食strawberries都好開心!
2015年1月7日 星期三
2015年1月6日 星期二
2015年1月5日 星期一
2015年1月4日 星期日
2015年1月3日 星期六
2015-01-03 (Sat) 馬騮山
天氣好, 近近地帶丁丁去城門水塘睇馬騮山先, 又幾好玩喎; 不過冇咩經驗, 我地仲驚過D馬騮, 佢地其實唔似會搶或爬上我地架車, 我見D人照掂行掂過, 又會長期開住車門, 我地就鬼死咁驚, 哈哈! D馬騮原來可以收埋D野食係口入面, 見到佢地條頸一舊舊D粒粒花生, 佢地會等我地比, 食晒入口但唔咬住, 到我地唔再比, 佢地先回吐係口入面慢慢食, 好精架!
2015年1月2日 星期五
2015年1月1日 星期四
訂閱：
文章 (Atom)