2013年2月15日 星期五

2013-02-15 (Fri) 丁丁出玫瑰疹

尋晚丁丁個頭同面都有少少紅點, 夜晚睇唐醫生時問過, 佢話BB唔舒服會出下呢d, 唔嚴重唔怕............今朝返工都冇事, 到中午媽咪send左幾張相黎, 嘩, 出多左好多喎.........連身都出埋! 心亂緊今晚係咪又去睇時, 媽咪建議佢搭的士入黎中大, 都係百幾蚊, 試下中大的免費醫生, 好過又去返唐醫生度晒幾百蚊, 尋晚佢仲話冇咩事, 信唔過喎..........






黎到中大時, 見到呀女成面都係, 心痛死!!  中大醫生話係玫瑰疹, 通常發燒兩三日就會出, 會越出越多, 唔會痕, 一星期度自然會消, 冇野搽冇野攪架! 中大醫生好有信心的診斷, 令我放心晒! 我比左唐醫生d 藥佢睇, 佢好語重心長講香港同外國的診治真係好唔同, 佢見到丁丁的五種藥水, 佢話咁細個唔應該食咁多囉, 係佢就一定唔會開..........其實個個醫生真係好唔同, 睇您buy邊樣, 我都幾buy中大呢位醫生, 但比著係其他人就有機會覺得冇咩料到; 舉個例, 感冒傷風咳佢覺得冇必要食藥架, 身體免疫系統會自動一兩個星期好返, 除非訓覺都勁咳咪睡前食次咳水架咋, 但奈何香港人習慣會覺得要快好返要消炎抗生素, 唔得就特效藥!








沒有留言:

張貼留言