宴會地點係荃灣綠陽坊美心，去到時大backdrop裝置中～～
接待處，一望就知我地個大名係邊啦！
花絮：
backdrop一攪掂，即刻自動波影相啦，唔係今晚咁多賓客，好難影到架！
影兄弟團相片時，我地擺左好多甫士，亦比左好多idea攝影師，當中仲拋起新郎，但由於新郎體型較重，拋得唔係好高；跟住佢地就拋我喇，拋到好高呀，高過backdrop最高隻蝴蝶添，但影相只影左一張，唔知捕唔捕捉到！我好驚呀，原來會好有離心力架，加上班野獸真係當我波咁拋，嚇得我．．．都唔敢take 2！希望攝影師影到高ｄ啦，好期待睇相！
花絮：
賓客陸續到場，花仔子元到啦，即刻拉佢影相先！
有幸係新人換衫前影到張大合照，婚禮一生一次，想同新人影相的確要自己爭取，唔係機會一走就冇架啦！
各人合照：
新郎準備同媽媽先入場，身旁係新郎妹妹！
晚宴隨即展開～～由於認識Ben好多好多年，呢個婚禮我好感動呀，可能我又識佢屋企人啦，咩都未開始時，只係新郎帶住媽咪入場個下，我已經喊啦！到新郎新娘互相講感受時，並唔係講對賓客，而係佢地好真誠咁講出對對方的愛的感覺，我一路聽一路都好起伏；佢地係賓客面前，承認分開過，各自各生活，再復合，從新認識，再承諾一生一世．．．呢下真係唔係人人做得到，睇得出佢地真係好愛好愛對方，呢份愛係好令人羨慕的，我聽到係超感動架！
飲宴尾聲我地又影到多一張大合照，Yeah！我就係飲宴開始時換返上身衫啦～～
大家都想同花仔影相：
呢個橙花籃係我諗出黎，整比子元玩架，佢玩到不知幾開心！
Olivia今晚都有黎，嚴格黎講，佢識Ben仲先過我！
今晚有即席派相服務，我地都有四款！哈哈～～
難得聽日放假，我地又係兄弟，梗係留低幫手到最後啦；大家繼續拉住新郎飲酒呀影相呀咁，個backdrop又要拆既，梗係影得幾多得幾多啦，有人仲扮醉添！
太陽哥哥冇佢地咁好精力，爭取時間恰一恰最實際，仲訓得幾型添，因為我地下場仲要去唱K！
因為攪執野同埋單攪左好耐，又有一兄弟keep住左條車匙走左，攪到大家都企左係度，野都運唔到走．．．攪左好耐，最後截左兩架的士，車晒去如心，因為新人今晚係如心酒店住一晚，仲住七十幾樓呢！搬晒ｄ野上房我地先再坐的士去唱Ｋ．．．返到屋企沖涼真係上床訓已經係凌晨四點半啦！
分享下幾張魚眼攪笑相，係細妹新相機Canon S95的新功能！好爆笑呀，影時對方係唔知我地set左呢個功能，引人落搭就要忍笑，真辛苦！有時真係笑到肚痛，隻手係咁郁，連快門都按唔到！
沒有留言:
張貼留言