2010-09-12 (Sun) 板前快速晚餐．3D變種食人"魚倉"．MOS Burger第二餐晚餐

 

 

 

 

 

 

 

 

 

今個星期第二套想睇既係『3D變種食人"魚倉"』，今日又去睇埋去，咁就可安心上機去旅行啦！

因為有張 9月$50板前cash coupon，係我精明計劃下，係睇戲前先食個板前快速晚飯，五點半去食，六點三睇戲，出黎仲可試埋MOS Burger新包，再準時返屋企睇九點巨星2 決賽！

埋單只係 $70，抵！

 

 

 

 

 

 

 

 

 

3D變種食人"魚倉"的血肉場面的確有點恐怖，不過預左，因為 III 級；網上有評語話露好多女人上身唔知為咩？哈哈～～的確有，但我當笑片咁睇，因為有ｄ位真係幾攪笑；最爆笑係食人"魚倉"食左個男人 jer jer，全場爆笑，跟住條魚仲 "lur" 返出黎，加聲"ur~~"，我問太陽哥哥點解，佢話：因為臭囉！

雖然好多血肉場面，我又唔覺太恐怖，只係有點核突，何況知道係做戲，係假既；反而睇冰峰36小時係真係驚既驚；加上ｄ人其實抵死，警察已經吹晒雞開晒槍嚴重警告ｄ人離開水面返上岸，但佢地仲特登當警察冇到，仲要示威咁係咁跳落水！

最尾條大食人"魚倉"出現，嚇到我叫了出黎，好明顯有第二集，我會繼續捧場！

 

 

 

 

 

 

 

 

 

 

 

睇完戲去食MOS Burger，因為見到新出的親子丼好想試呀！

MOS Burger原來不知不覺間已開左咁多間分店啦！

 

 

 

 

 

 

 

 

 

我的飲品／甜品：

綠色貼紙係太陽哥哥的海洋珍珠堡，黃色貼紙係我的親子丼珍珠堡：

親子丼珍珠堡 - 厚厚的蛋入面有洋蔥雞，好好味！