今日太陽哥哥三點幾接左客去機場，順道經青衣接埋我，跟住過對面海交更！交車後約左Vivian同佢老公係銅鑼灣等，Vivian想借太陽哥哥的AE card買衫有七折！只係短短半個鐘，睇得出Vivian同佢老公真係好恩愛呀，令我好羨慕呢！
Vivian係門口比散紙太陽哥哥，佢兩個扮野影相 - 施捨發財錢喎！
Vivian眼超超，好攪笑，可以想像到佢地係公司肯定極級嘈！
跟住我地去左『千襾』晚飯，我地係第一光顧。
鵝肝壽司外脆內軟，又熱勒勒，好正呀
；墨魚類壽司都好好味！
兩個人食左十四碟，比起平時食多左呢，可能未黎過新鮮感多ｄ吧！
食飽飽行街街，因為係北京旅行期間跌左個"爐騷" (toy story紫色隻大熊壞人)散紙包，已經冇再出所以返黎都買唔返；太陽哥哥就帶我睇下ｄ精品店，雖然一睇就知唔係爐騷黎既，但呢隻顏色同外型size係最近似既，都幾可愛丫！
跟住去左 izzue 行街，太陽哥哥見到上年佢心郁郁想買的羽絨再出返，佢又再心郁郁想買；但行埋女裝佢都未諗完，見佢咁鍾意，我就楂主意話買啦，我買比佢，當係結婚週年禮物！
點知做緊推廣，買滿$1600減$400，買滿$2000減$600，買滿$2100減$600兼做會員，最後．．．唉，買下又一件，差少少喎．．．又買多件，仲差少少少．．．咁再買多件加２對襪，攪掂！平得最多兼做埋會員，不過就真係唔知係我地醒定係諗呢個推廣個人醒喇！哈哈～～
太陽哥哥首次入換季貨快過我喎，真攪笑！不過是次收穫我都好滿意，簡直係著在佢身，笑在我心！
沒有留言:
張貼留言