2010-09-30 (Thu) Ben's Big Day (上)

今日930，係Ben大喜日子，等左咁多年，終於娶得Karmen為妻，我都好戥佢高興！

我係兄弟團之一，本約好Ben七點九係沙田等，點知．．．呢個佢自己的大日子，佢都居然又訓過籠，真係好爆笑！依咁睇返，佢之前做非洲同Alex兄弟都遲到，反而我結婚個日佢冇遲到兼早到，實屬非常難得！

我＋太陽哥哥＋休＋明記＋Alex先自行食早餐，再直接到馬鞍山女家會合新郎及其他兄弟！

佈置花車，好華麗的 Monchichi 結婚公仔呀！

有尾巴架！

拍攝進行中，兄弟講恭喜說話＋新郎出糧！

冇咩做就同大家影下相＋花絮先，因為我知全日黎緊一定好忙啫！

我今日戴了太陽哥哥送比我的浮誇金色蝴蝶戒指，點知呢刻先知原來Ben結婚的主題正正係蝴蝶，今晚去到會場就知架啦，真係超級夾同有緣呀！

新郎速食我地為佢買的早餐～～

攝影隊伍在女家拍攝期間，我地又影相～～

上樓接新娘，我第一次做兄弟，覺得好緊張刺激呢！

愛的宣言～～新郎要一路讀，一路派兄弟倒立直至讀完為止！

由明記＋太陽哥哥負責倒立，太陽哥哥倒緊立都識望住鏡頭笑，真係攞命！

第二個遊戲係兄弟互咀，跟住借唇印咀返囍字底部的兩個口出黎：

去片～～好爆笑！

跟住不離食核突野啦～～

接到新娘啦！

跟住出發去天水圍男家～～大家分得出邊個係真假司機嗎？

男家儀式完結後，係酒樓食午飯。

午飯後去黃金海岸會合新人，一齊拍團體照！

呢張係新娘子要求我同佢地姊妹團一齊影架，夠晒特別，望落我仲好似係新郎哥呢！

影完相後咁岩落雨，我地入左麥記避雨！我仲同休扮低能影多張～～

因太陽哥哥去左攞車，唯有得我自己坐係度影呢張相啦！