小貝貝星期一出左世啦，之前問定準媽媽，生完時prefer我地去醫院探佢定去屋企，準媽媽話prefer醫院，等返屋企後可靚心休養＋學湊Ｂ！其實呢幾晚都好忙，二四PT，五要去買野預備去旅行，又要同屋企人做節．．．最好時間就係尋日放工後＆做節前，Jimmy-san又去喎，咁我地就相約早十五分鐘放工，跟住衝上仁安探靚媽同小貝貝！
小貝貝係大頭妹，亦因為頭大所以要開刀生；呢位大頭Ｂ只係第三日，已收晒水出晒個標緻樣出黎，完全有初生ＢＢ"拿埋一住"個樣，唔知係咪知我地黎探佢，比個靚樣我地睇呢？
我捕捉到小貝貝微笑＋伸脷等多個攪笑奇怪的表情樣，連Hugo爸爸都話影得好，心急到即刻問我拎咭開notebook過相！
平時cool cool 地的Hugo，今日非常與別不同，無時無刻都一幅發自內心的會心微笑樣，比新媽媽更甚；佢係我首位見過最開心的新爸爸，我完全感受到佢個份說不出的喜悅！我好真切的感覺到，呢個三口子家庭，一定會好幸福快樂，好羨慕呀！
我跟小貝貝的首張合照，隔住玻璃的小貝貝好細粒，好想抱起佢添呀！期待滿月後再探佢時可抱佢攬佢錫佢～～
小貝貝的英文名為 Gia，我的英文名又係Gi開頭，好有親切感呀！
沒有留言:
張貼留言