下星期六就同太陽哥哥出發去北京玩一星期，今個星期上左兩套新片都想睇，今日就拿拿林放工先睇一套 - 『冰峰36小時 (Frozen)』。
之前睇完 trailar 時已諗定一定會睇，因為有ｄ情景勁似年頭去韓國時，我＋細妹＋太陽哥哥一齊坐吊車上山，又係個ｄ露手露腳既鞦韆型吊車，一路上山ｄ風一路吹埋黎，又凍啦，對腳又 fing 下 fing 下啦，好冇安全感個種！而個女仔又係snowboard初哥，佢玩snowboard成日跣低，好似我咁，ｄ鏡頭好有親切感！
套戲得個半鐘，西片黎講算短，但事實上，又冇咩可拍，太陽哥哥話拍到個半鐘已好犀利；無錯，三個人係吊車上被困，而滑雪場五日後先重開，一係等凍死，一係要諗辦法閃；講佢地輪住逃生，諗住落到地個個就可搵救兵救大家；最緊張最刺激，就係個三幕逃生片段，但只佔全套戲的一半時間；其餘的一半時間都係悶的，因為都是日頭時間傾計呀，等人救呀咁！
不過逃生至犧牲個兩幕，的確睇到心驚膽氈，真係好驚好驚呀；點樣係高處頂硬上跳落去啦，點樣明知被冰黐住左隻手都要夾硬搣開啦，點樣界手都要夾硬爬上電纜度啦
．．．加上同行三人係好友關係，當中的感情同親眼睇住對方點為救自己而犧牲性命，真係好心 up 架！
睇完戲返太陽家食飯，太陽媽媽星期一見左份新工，原本星期二可即刻返工，點知病左一直到宜家，好嚴重呢！攪到份工都可能要放棄呀，有點可惜，希望佢快ｄ好返啦，亦希望個人真係仲有第二個 post 比佢啦，咁太陽哥哥就唔洗咁辛苦喇！
沒有留言:
張貼留言