今朝四點幾先訓，但十一點就要起身啦，因為太陽哥哥放多日假，約左太陽爸媽一點係鴻星飲茶！佢地十二點就搵左位，等左我地一粒鐘呢！
我冇樣樣影，呢款桂花糕好精緻呀，不過我唔食既！
特別叫比我的卡通點心，都係蝦餃黎既，一款係白兔，一款係企鵝！
$8粒，有點貴呢！
影下相先～～
飲完茶諗住睇狄人杰，但冇靚位，反而買左聽晚場；我同太陽哥哥其實仲好攰，決定返屋企抖！今晚佢話一係叫外賣一係煮野食，佢咁講，我實會煮既！
去街市買餸，有ｄ攪笑野；買雞翼時，我問老闆娘可唔可以只買幾隻？佢話梗係得！最後買左十隻～～冬瓜粒湯想落冬菇，去雜貨鋪又唔敢問可唔可以買幾粒冬菇喎，兩個傻人就先借機買幾隻蛋，再問：冬菇一定要一包買架，可唔可以買少ｄ呀？點知佢話可以，段両秤咋麻！最後買左一両@$8！哈哈～～其實，原來好多老闆娘都認得我架，仲問今日唔同媽咪黎啦？
返到屋企樓下見到雞蛋仔呀！我話我上去先，跟住偷影左佢買雞蛋仔既相！哈哈～～
今晚我話煲冬瓜粒湯，太陽哥哥的至愛之一，佢即刻贊成；仲話有湯飲，煮多一樣餸就夠，我就比左薯仔炆雞翼同牛仔骨佢揀，佢選左前者，所以今晚餐飯好easy！
食材：
準備過程～～今次係自己第一次將雞翼一開二，一刀斬落去，都斬得唔錯呀，幾平均，覺得自己幾叻丫！
開始煲湯：
薯仔炆雞翼：
煮熟食材後由佢地係鑊入面吸味，到臨食前再煮返熱，入晒味！第一次著呢味餸，好成功！
冬瓜粒湯：
驚唔夠餸，係雪格搵到即食青口：
媽咪煮餸煮多左，分左一碟蕃茄蛋比我地。
本身簡單的一湯一餸晚飯，突然多左兩個餸！
沒有留言:
張貼留言