今朝訓醒天氣好正呀，凍左幾日，終於有陽光出啦，仲好大風，即刻執屋！洗左床單被袋等，仲有心愛的 chip n dale cushions！大風真好，未入黑已乾透晒啦！
廚房都抹到令立立，一粒塵都冇，好滿意！
微波爐同煮食爐都好似新買返黎既一樣！
仲有吸塵呀、抹書櫃呀、抹電視＋電視櫃等等，一做就三個鐘，一點幾先叫外賣 bunch 食咋！一路食一路先煲返尋晚套讀心神探＋義海豪情，證明我係屋企行先、私事行後既好太太啦！
跟住下午細妹就返黎啦，佢係九龍城出晒名的『肥仔號』，買左一打筍野返黎，今晚請大家食．．．大閘蟹，黎個『大閘蟹之夜』喎！
另外仲有大花甲食：
我第一次見咁新鮮咁活躍的花甲架，佢個身(唔係觸角喎!!)，係咁伸出黎，左游右游，成盞探射燈咁；個身漲卜卜，好似水母咁，好神奇呀！
仲有泰式魚，琪琪朋友亦帶左home-made fruit tarts黎請我地食！
準備蒸啦～～
開餐～～
一隻已經咁多羔！！！
媽咪整的酒煮花甲真係百食不厭！
今日初嚐細妹話好正的豬肉部位 - 豬手展，真係好正呀；有豬手的"林"，又有展的"爽"，仲有ｄ筋位，好岩我口味！
沒有留言:
張貼留言