貝貝滿月啦，未探佢的同事相約今日到 Phoebe 家；一入門口貝貝正恰緊眼訓，對眼仔開下合下，轉過頭已訓著左，仲訓得好酣好"臨"呢！
剛半月不久的貝貝，只得一個月，人仔細細，但樣貌已標緻可人，皮膚白裡透紅，滑嘟嘟，頭亦冇頭泥，好乾淨，仲有小酒窩添，完全符合晒美人胚子的特徵！
雖然貝貝訓左，但大家都要爭相抱抱影相！
還有合照等：
在媽媽轉手時醒了，好嗲呀～～
I love this R 頭 look！
醒左又唔同ｄ喎，又再輪住抱住影，傳呀傳～～
影合照～～
Jimmy剛泊完車上到黎，到佢抱啦；但貝貝係被佢抱期間，先係喊，睇 Jimmy 個樣幾無奈！
勁喊．．．
跟住訓左幾十秒．．．
跟住貝貝又笑又伸脷，仲好似同 Jimmy 傾計咁添，咩表情都有，攪笑！
爸爸餵奶～～威哥甜絲絲個樣丫，由醫院到宜家都冇變過，好感受到，我好羨慕佢地一家三口咁溫馨呀！
餵完奶落車車玩～～
我仲未有抱住訓醒貝貝既相，抖一陣又再繼續影過！Yammy幫我狂影，Yeah！
交流+ing：
影埋呢幾張相，我地七點就離開啦！貝貝咁可愛，有點唔捨得，希望快ｄ再有機會同佢玩啦，妳要快高長大呀貝貝！
跟住我趕落旺角，會合細妹同太陽哥哥睇『3D童眼』。
個人覺得呢套戲唔好睇，只係齋嚇觀眾，我覺得似去左 Halloween 玩鬼屋的感覺，如果您只想enjoy被嚇一嚇的感覺，呢套戲就岩您；我 expect彭氏兄弟的作品會有故事、有因由，就好似見鬼 1/2 咁，睇到尾會有 "哦....." 同個心唔係幾舒服的感覺；但呢套好似好無主題咁，我唔明點解女鬼太太咁有怨恨，同埋見唔到自己老公同個囝？佢成間酒店ｄ人點捉點玩謝都得，但又會見唔到老公同個囝？佢捉住客的原因都冇因由既，純粹唔鍾意佢地？純粹怨恨？但係佢自己無里頭殺晒自己ｄ狗在先喎．．．最後好似放低怨恨無事啦，老公同個仔又唔知點解會死左？
睇完戲十點啦，之前買左一大盒煎釀三寶入戲院食，攪到都唔肚餓，但點都要食少少野先返屋企架；壽司係最好選擇，食幾多比幾多！
細妹第一次食生蠔壽司，佢都覺得唔錯！
牛舌係必叫架啦，牛肉火鍋係第一次食；呢排成日食壽司，有ｄ抗拒，所以揀ｄ熟熱食落肚！
沒有留言:
張貼留言