原本只係我地三條女的晚飯，攪攪下多左兩條仔；威哥唔洗打波黎埋，太陽哥哥可準時收工黎埋．．．我地去左好耐冇去，而媽咪又成日話想去的『金潮小廚』；好在六點半威哥去到拎定飛咋，唔係真係分分鐘八點先有得食！
五個人點左五個餸，除左豬潤西洋菜唔係咁抵食外，款款餸都好正！
返新都會行左陣，係百佳超級廣場見到個超級巨型珍寶珠！佢真係超級大架，成個我咁高！唔知係咪淨係百佳超級廣場先會有呢？
因為支珍寶珠係插係收銀旁，我地開頭驚唔知影唔影得相．．．先係企係側邊影，點知又冇人話我地喎．．．跟住就得寸住尺，拎埋出黎影，慢慢測試人地既底線
．．．最後仲"mon"埋出黎，去後面冇咩路人甲既地方影，仲連合照都影埋，玩到好癲！又忍唔住笑～～連倉務員哥哥係旁邊都陰陰咀咁笑我地！
媽咪呢幾日係咁講話想要部麵包機，我地叫佢諗清楚先買，屋企已經有好多機，好似乳酪機、光波爐、麵條機、搾汁機、攪拌機等等，雖然部部機唔同功能，但用得晒先得架．．．但佢話想要，做囡梗係醒目，我就話買比佢做聖誕禮物／生日禮物！麵包機好似得兩款，佢開頭又話買部平平地一千蚊另一牌子個部，點知我話買比佢之後，佢就話想轉軚買象印牌！
沒有留言:
張貼留言