自從太太們帶過我去兩次馬鞍山食 lunch 後，今日到我同 May 帶任美去試下啦！唔係成日有得食泰國野，梗係揀左『曼谷』啦！
呢幾款牆上裝飾上次冇影既，今次影返！呢度真係好泰式 feel，侍應們全係純泰國人！
我地今日叫左一個二人餐(炒菜 & 咖啡牛腩)，另外加蝦餅＋薄餅：
不過今日食到有點炆，因為上菜超慢，次序亦好亂；蝦餅食晒咁滯都未黎飯，上埋菜都未有飯．．．跟住上左薄餅，個牛腩又遲遲唔上，薄餅都凍晒啦．．．個個侍應態度仲要奇差(只得一個除外)，上次都唔係咁既，真係唔知咩事！雖然係咁，但我下次都應該會繼續黎食，因為真係好味；比多次機會佢啦，希望下次冇事啦！犯賤～～
叫了千層糕甜品又係要等．．．收銀可能知我地唔耐煩，送了糖水比我地食，算佢啦！
沒有留言:
張貼留言