BBQ場好正呀，表姐佢地住左咁耐原來第一次 book，呢度又闊落又乾淨，又近遊樂場方便小朋友玩！大人負責拆食物，叔叔負責起火，我地就同諾諾玩！
我同琪琪陪諾諾係遊樂場玩得好開心！
諾諾對琪琪的 gel 甲好奇，仲係度數有幾多隻添！
跟住琪琪教諾諾踩住個波同叉腰影相，好攪笑！
野食好快都攪掂晒啦～～
叔叔亦起左火，好在有佢係度，唔係我地可能有排起；叔叔好犀利，好快起左火，火勢仲好強勁添呢！
琪琪的秘製烏頭係爐底！
開始 BBQ 喇～～
好正的菇菇！
更加正的烏頭，個個都讚，琪琪好野！
大約七點，太陽哥哥都黎到啦！
燒到咁上下，小日朗都黎埋啦，我地就入左 function 幫手看住佢，唔少得梗係輪流抱抱同影相啦！
跟住就到全日高潮，切蛋糕儀式！個蛋糕係我買比諾諾架，仲有個大"3"字蠟燭，表姐一路都冇同諾諾講今日個 birthday party 係 for 佢架；個蛋糕一直冇開，我地仲賣關子咁問諾諾，邊個 birthday 呀？係咪恩恩呀？係咪婆婆呀？直至開蛋糕盒個剎，當諾諾見到自己個名時，佢勁開心，擘大口掩住咀，好驚喜咁，好攪笑！
3歲啦，做個 "3" 手勢啦！
每家人輪流同壽星仔影相：
自拍大合照：
熄燈唱生日歌＋許願＋吹蠟燭：
切蛋糕：
蛋糕後半有兩層，所以好厚，諾諾越切越肉緊，切左十幾秒先切得落！
叔叔聽日返早，差唔多要走，臨走時同小日朗影相！
小日朗對腳仔剛剛"燦"左係BB車的兩個窿度，好攪笑！點知叔叔Ｒ人地腳板，仲玩得好開心，好衰呀！哈哈～～
之後我地繼續下半場，盡量燒晒ｄ食物；諾諾真係一個超乖的小朋友，我地幾個鐘係度BBQ，佢一ｄ都無扭計，又冇話要燒，佢知道火係危險，就會自己擔張櫈坐到遠遠地！食粟米時，我地又同佢影多幾張相先！
跟住幫手拎返ｄ物資回表姐家，飲埋下午煲定降火的冬瓜水，大約十一點我地先搭的士走，今日真係玩足全日，超開心＋勁滿足的一天！
臨別時諾諾仲玩野咁同每個人 hug & kiss，不過就唔肯 hug & kiss 琪琪同太陽哥哥．．．
沒有留言:
張貼留言