2010-04-28 (Wed) Snack Time．葉問2優先場

尋晚因為等太陽哥哥放工搭的士，要行陣街hea時間，就去左零食物語入左少少貨．．．其實一半係送比同事既！

一來想氹同事開心，二來因為禮尚往來，因為Michele早前送過日本日清新出既忌薕味杯麵比我！

點知禮尚往來完，Michele又再送KitKat抹茶味比我食，仲好似日日祝維他奶咁可係盒上寫字架！

今晚總算可集齊一家人係屋企食餐飯，雖然都係太陽哥哥遲返得返佢自己一個食，但總算齊人，值得開心！所以係放工時，我已約定細妹同太陽哥哥飯後一齊落青衣城睇『葉問2』優先場，我放工即刻去買飛！

葉問1咁叫好叫座，我地一早好齊心定要捧葉問2場架啦！果然冇失望，Donnie好勁！其實好多幕都睇到我熱血沸騰，好似 Donnie同洪師傅係檯面對打，應該係係塊木板上面至岩．．．仲有魚欄果場大戰．．．真係頂呱呱！仲有洪師傅同個粉腸拳王既擂台戰，洪師傅仲壯烈咁犧牲左．．．當然仲有最後Donnie個粉腸拳王決戰啦！