太陽哥哥同我結左婚後，可以享用埋我大學既福利；我一向每年都會check一次牙，今日都幫太陽哥哥約埋，幾個月前已約定架啦，因為中大牙醫好full booking架！
因為太陽哥哥幾年冇check牙，要補兩隻牙，變相今日亦洗唔牙，要再約，淨係佢都攪左成粒鐘啦！
我坐係一邊，聽到ｄ儀器聲都起晒雞皮，原來坐埋一邊個個都好痛苦架！睇下太陽哥哥對手，唔痛時，好好咁放係大脾上．．．
但一痛．．．佢就食指同姆指都"拿"埋一齊！唔好以為佢同我做ＯＫ手勢呀，佢痛咋！
至於對腳，冇事時一路放平．．．
一痛就．．．變到咁！好肉緊～～我坐係一邊，見到都心寒呀！
升起好高下喎！
跟住到我，我一向牙齒健康，有棚又靚又整齊既牙
，所以無咩問題，醫生檢查完同我洗埋牙就攪掂！
攪掂完就離開中大，太陽哥哥仲叫我唔洗搭車，同我由保健處一路行去火車站，佢話未行過同當散下步喎，咁我沿途為佢介紹一下景色！因為太陽哥哥趕黎中大睇牙都冇食 lunch，我地之後去左旺角醫肚＋行街！
跟住返青衣城，約左呀休同明記食壽司，因為好耐冇見呀休了，想同佢吹下水同了解佢返新工返成點；點知臨時加埋健，我地等緊健之際，原來陸氏一家又係係青衣城，今日係子元ＢＢ正日生日，佢地就帶左子元黎同我地打招呼！
子元ＢＢ今日兩歲啦！
六個人食左勁多野，呢度並唔係全部，我地一共食左四十幾碟，埋單差唔多八百蚊！
影下各人先～～
之後出荃灣諗住碌齡，點知要等成粒鐘．．．我地就去左Ｍ記hea，兩個志同道合既人係度．．．好無聊呀，佢地真係夾！
呀休同ＣＷ係度都派埋北京手信，多謝！
明記獨照：
沒有留言:
張貼留言