今日約左朋友們一齊睇『勁揪俠』＋食飯，早場只係$35咋，抵！原來勁揪俠英文係Kick-Ass，真攪笑，聽個名都唔明點解會係三級片，似笑片多ｄ呀！
呢四張poster連埋一齊就見到片名，係網上搵架！
入到場睇，就明白點解係三級片啦；係，的確似笑片，當中仲好無聊＋低Ｂ添，但又會笑出聲喎；而ｄ打打殺殺場面都幾血腥架，會監生夾死個人呀、槍彈橫飛咁．．．所以就係三級片喇！
戲中個"辣椒仔"真係好勁呀，得十一歲就咁好身手，又型又cutie呀！係戲入面，辣椒仔"係尼古拉斯基治個囡，真係估唔到尼古拉斯基治會拍咁既片，佢係我偶像黎架麻！
而主角Kick-Ass．．．改呢個名都好頂癮囉，戲入面勁多低Ｂ野發生，真係幾好笑！如果想輕鬆下笑下，呢套戲係不錯既選擇！
網上搵到既繪本，同真實版好似呀，呢兩張相正呀！
其他靚海報：
跟住去左馬泰食 lunch，仲有兩位十年冇見既朋友都黎埋；想影相時發覺冇帶相機，唯有用手機影，影得好差呀！
跟住坐 Fook 車去遊車河，佢架車個內窿好靚呢，又有DVD，又有雷達探測，一偵查到快相機就會 beep beep 聲咁叫架，唔慣之佢未試過抄牌啦，如果我有車都整返個呀！
車上面有沖天救兵公仔，靚！好難先影到正面架～～
我地去左元朗／天水圍個頭遊左個車河，跟住先車我返屋企！
到夜晚，一年一度青衣大戲棚又開啦，我等左成個月啦，之前見搭緊棚已留意定幾時會開！因為只開五天日至四，閒日應該都冇咩機會黎架啦，最好就係趁今日星期日去，我地就去左呢度掃街當食晚飯喇！
由屋企街去戲棚，遠處已經聽到好熱鬧既聲，仲有好香既車仔檔美食！
今日第一日又係星期日，真係好熱鬧勁多人呀，旺到呢．．．好似台灣夜市一樣！
呢度真係好值得黎見識下，除左有太戲外，有勁多野食，仲有好多上一個年代既特色野，比如龍鬚糖、麥芽糖、糖漿公仔等，未黎過既朋友快ｄ入黎青衣感受下啦！
野食實有太多，呢度只係一部份咋！
連海味檔口都有，媽咪買左三片花膠試下，盛為二百幾蚊，又有靚湯飲啦！
沒有留言:
張貼留言