2010-04-06 (Tue) 第44個月拍拖紀念日

6號同22號一向係我同太陽哥哥既紀念日，前者係拍拖，後者係結婚；不過我地梗係唔會每月兩次大事慶祝啦，只係撞岩假日先借題慶祝一下；有時仲係去完街，夜晚返到去先知個日原來係紀念日！

今日係6號，其實結婚後都好少再慶祝拍拖紀念日啦，不過咁岩係呢個長假期入面既最後一日，加上太陽哥哥一早記得，前兩日仲去左 iSquare iMAX買3D馴龍記戲飛！

我地睇十二點幾個場，十點幾就起身出去啦，先係M記食少少野！

我覺得呢期既公仔都幾得意呀，但只係鐘意漢堡神偷，最可愛係佢，肥嘟嘟好Ｑ版！

食野時望住張traymat，先知原來呢幾個麥記人物，個個身份都有故仔架！

跟住去 iSquare iMAX睇戲，iMAX我地第一次黎，之前已想黎睇阿凡達架啦，但好full 我又冇心機等，今日終於試到啦！

戲院出面有張好大塊既馴龍記手作：

個瑩幕真係好高好大，我諗有十幾個人咁高；太陽哥哥早買飛，所以買到最後個行，視野同視覺都好正！

馴龍記我冇抱住好大期望，只係一向好鐘意睇3D，加上係卡通片，就點都會去睇左先算，話晒 Dreamworks出品，應該唔太差，雖然Pixar好ｄ；睇完我覺得好好睇呀，又上天又下海，配合埋3D，好靚好靚，淨係視覺享受都抵返啦，推介！

 

睇完戲行去佐敦澳洲牛奶公司食野，亦係今朝麥記唔食咁多野既原因，要留肚！

跟住去左旺角行街shopping，夜晚想坐得舒舒服服咁食晚飯慶祝下，就去左Pokka！

呢杯叫cappuccino soup，個名好攪笑，上面係cappuccino泡沫，下面係蘑菇湯！

叫左carbonara意粉，carbonara汁一向係我同太陽哥哥既至愛，好正好好味！

另外叫了300g既steak，二百幾蚊客，我覺得有點貴，但我鐘意食steak麻，因為百幾蚊個款牛扒三重奏已食過幾次！

真係好好味，同扒王之王個ｄ真係差好遠！

另外叫了牛脷，不過有點油．．．我地以為牛脷＝牛舌，點知原來質地咁唔同！哈哈～～

咖啡一杯：

今日又玩又食左成日，為這個假期劃上圓滿的句號！